Jeremías 16:19 - DIOSPA QHELQACHISQ

¹⁹ Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Qheshwa Biblia DC

¹⁹ Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

DIOSPA QHELQACHISQAN DEUTEROCANONICAL

¹⁹ Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 16:19 ပူးပေါင်းရင်းမြစ်များ

1 Reyes 20:23

Chaymanta qhepaman Siriamanta kuraj kamachejpa yanapajninkunaqa payta nerqanku: Israelitakunaj diosninkoqa orqonejmanta dioskuna kanku. Chayrayku paykuna atipawarqanchej. Sichus paykunawan pampapi maqanakusunman chayrí, atipaykusunman.

Salmos 18:3

3 (4) Qanqa, Tata Dios, yupaychanapaj jina kanki. Qanman qhapariykamojtiy, awqaykunamanta kacharichiwarqanki.

Salmos 19:14

14 (15) Qanmin, Tata Dios, pakakunay chhanka kanki, kacharichiwaj Diosniytaj. Chayrayku ñawpaqeykipi parlasqay, yuyasqaypis allin kachun.

Salmos 27:5

Llakiykuna qhatiriwajtin, Tata Dios waqaychawanqa. Templon ukhupi pakawanqa, tiyakunan ukhupi waqaychawanqa, chhanka patamantaj sayaykuchiwanqa.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 46:7

7 (8) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 62:2

2 (3) Payllamin waqaychawan, qhespichiwantaj, awqaykunataj mana jayk'ajpis atipawanqankuchu, imajtinchus Diosmin pakakunayqa.

Salmos 62:7

7 (8) Qhespichisqa kanay, waqaychasqa kanaypis Diosllapi. Payllamin pakakunay chhanka, waqaychawajniypis.

Salmos 65:3

3 (4) Juchallisqayku apaykachashawayku chaypis, contraykipi tukuy juchallikusqaykuta qan pampachanki.

Salmos 68:31

31 (32) Egiptomanta kurajkuna qanman jamonqanku, Etiopiamanta runakunapis makinkuta Diosman oqharillanqankutaj.

Salmos 86:9

Tukuyta Kamachej Dios, sayarichisqayki suyukuna jamuspa, qanta yupaychasonqanku, sutiykitataj jatunchanqanku.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 25:4

Wajchakunapajrí qan pakakunanku kanki, llakisqa pisichikojpaj jark'akojnintaj. Jinallataj para wayramanta waqaychaj kanki, ruphaymanta llanthojtaj. Ajina kanki, imaraykuchus mana khuyakuyniyojkunaj ruwasqanku rijch'akun, chiri tiempopi loco para imaynatachus perqata wajtan, ajinaman.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 44:10

Pichus lantita diosta jina yupaychanapaj ruwajqa qhasi manakajllata tiemponta usuchin.

Isaías 44:20

Chayta ruwajqa ushphata mikhuspa kawsayta munaj jina. Payqa mana cheqan yuyaykunawan q'otiyachikun. Chayrayku chay runaqa mana qhespichisqa kayta atinchu, nitaj tapukunchu: Makiypi jap'ishani chay lanti manachu qhasi manakaj q'otiriyojlla? nispa.

Isaías 45:14

Chantá Tata Dios israelitakunaman nillantaj: Egipto suyumanta campo runakunata, Etiopiamanta ranqherokunata ima kamachinkichej. Jinallataj Sabá cheqamanta jatunkaray runakuna qankunaman k'umuykusonqanku, jinataj wata runaykichej kanqanku. Qhepaykichejta cadenawan watasqa jamonqanku. Ñawpaqeykichejman qonqoriykukuspataj, nisonqachej: Cheqapuni Diosqa qankuna ukhupi kashan, chay Diosmanta jawataj mana waj dios kanchu, nispa.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 62:2

Chaypacha runakuna Tata Dios qhespichisusqanta rikonqanku. Tukuy kuraj kamachejkunapis jatunchasqa kasqaykita rikullanqankutaj. Chaypacha mosoj sutiwan sutichasqa kanki, chaytataj kikin Tata Diospuni sutichasonqa.

Jeremías 10:3

Chay runakunaj diosninkoqa qhasi manakajlla kanku. Montemanta uj sach'ata k'utuytawan, llajllayta yachaj runa t'illminawan lantita ruwan.

Jeremías 10:5

Chay lantikuna p'isqo manchachinaman rijch'akunku, imaynatachus pepino chajrapi manchachita churanku, ajina. Jinallataj chay lantikuna mana purinkuchu, q'epiykachanaraj kanku. Ama paykunamanta manchachikuychejchu. Chay lantikunaqa ni pita yanapankuchu, nitaj mana allin kajtapis ruwayta atinkuchu, nispa.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 14:8

Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 17:17

Ama ari mancharichiwaychu, imaraykuchus qanmin ñak'ariy p'unchaypi pakaykukunay kanki.

Jeremías 2:11

Ima suyutaj diosninkuta wijch'uspa, waj diostañataj churakukunri? Chaykunaqa mana dioschu kankupis. Chaywanpis aylloyqa noqa cheqan Dios jatun kayniypa lliphipiyniyoj kashajtiy, saqerpariwanku, qhasi manakaj lantikunata yupaychanankupaj.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Ezequiel 11:16

Chayrayku apasqa kajkunaman sutiypi niy: Noqa Tukuyta Kamachej Tata Diosmin qankunata waj suyukunaman, karu llajtakunamanwan ch'eqeracherqaykichej. Chaywanpis noqa, maymanchus ch'eqerachisqaykichej, chay suyukunapi waqaychaspa yanapasqaykichej, nispa.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Amós 2:4

Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.

Nahúm 1:7

Tata Diosqa may k'achamin. Llakiy p'unchaypipis runata jark'akun, paypi atinikojkunatataj waqaychanpuni.

Habacuc 3:19

Tukuyta Kamachej Tata Diosmin kallpata qowan. Chakiymanpis kallpata qon, taruka jina usqhay usqhayta phawarinaypaj. Astawan patanta purichiwan ama pipis imananawanpaj.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Romanos 1:25

Jinallataj Diospa cheqa nisqanta qhesachaspa, astawanpis llulleriyota jap'ikorqanku. Chayrayku Diospa ruwasqanta yupaycharqanku, jatuncharqankutaj. Kay pachata Ruwajtatajrí mana yupaycharqankuchu, pichus wiñaypa wiñaynintinpaj yupaychasqa kananpaj jina, chayta. Arí, pay yupaychasqapuni kachun.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.