Jeremías 16:18 - DIOSPA QHELQACHISQ

¹⁸ Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Qheshwa Biblia DC

¹⁸ Jinapis, ñaupajtaqa uj jinatawan pagachikusaj tukuy sajra ruwasqasninkumanta, jinataj juchasninkumantapis, imaraykuchus jallp'ayta ch'ichicharqanku chay millay wañusqa lantisninkuwan, paykuna ruwarqanku chay mana munasqay imasta, chayaqepaj jina qorqani chay tukuy jallp'api.

DIOSPA QHELQACHISQAN DEUTEROCANONICAL

¹⁸ Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 16:18 ပူးပေါင်းရင်းမြစ်များ

Salmos 106:38

Mana juchayojkunata wañuchispa, Canaanmanta dioskunaman jaywarqanku. Chayrayku jallp'anku yawar jich'asqankuwan ch'ichichasqa karqa.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 61:7

Qankuna manaña p'enqachisqachu nitaj k'umuykachachisqachu kankichej. Aswanpis jallp'ataqa uj jinatawanraj jap'inkichej, chaypi kapuyniyoj kankichej, wiñaypajtaj kusisqa kawsakunkichej.

Isaías 65:6

Chaywanpis imatachus ruwanayqa ñawpaqeypi qhelqasqa kashan, chaypitaj nin: Manapuni ch'inllachu kasaj, manachayqa millay ruwasqaykichejman jina t'inkaykichejta qopusqaykichej, nispa.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 7:30

Tata Dios nillantaj: Judá suyupi tiyakojkuna mana walejtachu ñawpaqeypi ruwanku. Chay millachikuna lantikunata sutiywan sutichasqa Temploman churarqanku, chaywan Temployta ch'ichichaspa.

Ezequiel 11:18

Israelitakuna llajtankuman kutimpuspa, kay jallp'api millay ruwanata chantá lanti yupaychanata ima chinkachenqanku.

Ezequiel 11:21

Chantapis pikunachus millayta ruwaspallapuni purenqanku, chantá millay lantikunata yupaychanqanku chayqa, chay runakunata ruwasqankuman jina jasut'isaj. Noqa Tukuyta Kamachej Tata Diosmin chayta nini.

Ezequiel 36:18

Chayrayku noqa paykunaj patankuman k'araj phiñakuyniyta kachaykamorqani, imaraykuchus paykuna llajtankupi runakunata wañucherqanku, lantikunata yupaychaspataj, jallp'ankuta ch'ichicharqanku.

Ezequiel 5:11

Chantapis noqa Tukuyta Kamachej Tata Dios tiluspa nini: Noqapaj t'aqasqa Temployta chhika millayta ruwaspa ch'ichichasqaykichejrayku qankunata qhesachasqaykichej. Manataj saminchasqaykichejchu, nitaj khuyakusqaykichejchu.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Levítico 26:30

Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Miqueas 2:10

Chayrayku jatarispa, puririychej, kayqa mana samarikunaykichej cheqañachu. Kay cheqaqa juchawan ancha ch'ichichasqa, chayraykutaj chinkachisqa kanqa.

Apocalipsis 18:6

Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.