Jeremías 16:17 - DIOSPA QHELQACHISQ

¹⁷ Tukuy ruwasqaykichejta rikuni, nitaj noqamanta ni ima pakasqa kayta atinchu, nitaj millay ruwasqaykichejpis ñawiymanta pakasqachu.

Qheshwa Biblia DC

¹⁷ Tukuy ruwasqasniykichejta rikuni. Chay juchasta ruwasqasniykichejpis rikuyniymantaqa mana pakasqachu karqa.

DIOSPA QHELQACHISQAN DEUTEROCANONICAL

¹⁷ Tukuy ruwasqaykichejta rikuni, nitaj noqamanta ni ima pakasqa kayta atinchu, nitaj millay ruwasqaykichejpis ñawiymanta pakasqachu.

Jeremías 16:17 ပူးပေါင်းရင်းမြစ်များ

2 Crónicas 16:9

Tata Diosqa tukuy kay pachata qhawamushan, tukuy sonqo payllapi atinikunku, chaykunata kallpachananpaj. Ben Adadwan trato ruwaspa wampu runa jina ruwanki. Chayrayku kunanmanta ñawpajmanqa maqanaku kallanqapuni, nispa.

Job 10:14

Juchallisajchus manachus, chayta qhawashawarqanki, ajinamanta juchallikojtiy, juchachanawaykipaj.

Job 31:4

Chayrí Diosqa manachu imatachus ruwasqayta rikun? Nillatajchu imaynatachus purisqaytapis rikun?

Salmos 109:15

Tata Dios paypa juchanta amapuni qonqachunchu, kay pachamantataj sutinta chinkachichun.

Salmos 139:3

Qanqa imaynatachus purisqayta, samarikusqaytapis qhawashawanki, tukuy imata ruwasqaytapis yachallankitaj.

Salmos 33:15

Pay sonqonkuta ruwarqa, payllataj tukuy ruwasqankuta qhawan.

Salmos 51:9

9 (11) Juchayta ama qhawaychu, aswanpis tukuy millay ruwasqayta qonqayman churay.

Salmos 90:8

Mana allinta ruwasqaykoqa qanpa ñawpaqeykipi kashan. Pakaypi juchallisqaykutapis sut'iman orqhonki.

Proverbios 15:3

Tata Diosqa tukuynejpi kashan. Allin runakunata, mana allin runakunatapis qhawashallanpuni.

Proverbios 5:21

Tata Diosqa runaj imayna kawsasqanta qhawashallan, mayta purisqantapis rikushallantaj.

Isaías 29:15

Ay Tata Diosmanta pakakojkuna, pikunachus wakichisqankuta mana rejsichiyta munankuchu. Imatapis pakayllapi ruwaspa, sonqonku ukhupi ninku: Mana pipis rikuwanchejchu, manataj reparawanchejchu, nispa.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Jeremías 2:22

Ushpha yakuwanpis, chayrí may chhika jabonwanpis mayllakuy, ch'ichi juchaykeqa ñawpaqeypi kikillanpuni kanqa. Ajinata noqa Tukuyta Kamachej Tata Dios nini.

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Jeremías 32:19

Imatachus wakichisqayki jinataj ruwasqayki manchayta t'ukunapaj jina. Qanqa tukuy runaj ruwasqankuta rikunki, ruwasqankuman jinataj qopunki.

Jeremías 7:11

Yuyankichejchu noqapaj t'aqasqa Templo suwakunaj pakakunan t'oqo kasqanta? Noqaqa tukuy imatachus ruwasqaykichejta rikushanipuni. Noqa Tata Diosmin chayta nini.

Ezequiel 8:12

Chantá Tata Dios niwarqa: Runaj churin, imatachus israelitakunaj kurajninkukuna pakayllapi ruwashasqankuta rikunkichu? Sapa ujninku pintasqa lantinkoj wasinpi kashanku. Paykuna ninku: Tata Dios mana rikushawanchejchu. Payqa kay suyuta saqerpayan, nispa.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Sofonías 1:12

Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

Zacarías 4:10

Wasi perqay qallariypi pisillata ruwasqata rikuspa, pikunachus pisipaj chayta qhawarqanku, chaykuna Zorobabelpa tukuychasqanta rikuspa, kusikonqanku, nispa. Chantá ángel nillawarqataj: Kay qanchis lamparakunaqa Tata Diospa ñawinkuna kanku, pichus tukuy kay pachata qhawashan, chaypata, nispa.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.