Jeremías 16:16 - DIOSPA QHELQACHISQ

¹⁶ Kunanrí ashkha runata kachasaj challwata jina qankunata jap'inankupaj. Chantá k'ita animalta jap'ejkunata kachallasajtaj tukuy orqokunapi, lomakunapi, jinataj chhanka k'ajllukunapipis qankunata jap'inankupaj.

Qheshwa Biblia DC

¹⁶ Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

DIOSPA QHELQACHISQAN DEUTEROCANONICAL

¹⁶ Kunanrí ashkha runata kachasaj challwata jina qankunata jap'inankupaj. Chantá k'ita animalta jap'ejkunata kachallasajtaj tukuy orqokunapi, lomakunapi, jinataj chhanka k'ajllukunapipis qankunata jap'inankupaj.

Jeremías 16:16 ပူးပေါင်းရင်းမြစ်များ

Génesis 10:9

Nimrodqa Tata Dios munasqanrayku k'ita animalkunata jap'inapaj manchay wapu karqa. Chayrayku runakuna ajinata niyta yachaj kanku: Kay runaqa Nimrod jina wapu, pichus Tata Dios munasqanrayku k'ita animalkunata jap'inapaj wapu karqa, chay jina nispa.

Isaías 2:21

Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 7:19

May chhika soldadokuna jamuspa, tiyakonqanku ch'in wayq'okunapi, chhanka jusk'ukunapi, khishkarara ch'umikunapi, uywa ujyana qochakunapi ima.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 4:29

Caballokunapi jamojkunaj, jinallataj arcowan flechajkunaj ch'ajwasqankuta uyarispa, runakuna usqhay usqhayta ayqenku, ch'umi ukhuman pakakamunankupaj, chayrí qaqa k'ajllukunaman. Tukuy llajtakuna ch'usaj wasilla qhepakunku. Manaña pipis chaypi tiyakoj kanñachu.

Jeremías 49:5

Allinta yachakuy, noqamin tukuynejmanta sinch'i manchachikuyta pataykiman apachimusaj, nispa noqa Tukuy Atiyniyoj Tata Diosmin nini. Qankunamanta sapa ujniykichej kaynejman, jaqaynejman ch'eqerachisqa kankichej. Manañataj pipis watej tantaykunasuykichejpaj kanqachu.

Jeremías 6:9

Tukuy Atiyniyoj Tata Dios nin: Chaypacha puchoj israelitakunata kutin kutinta mask'anqanku, imaynatachus uvata kutin kutinta chajmankichej, manaña ujpis qhepakunankama, ajinata, nispa.

Lamentaciones 4:18

Purisqaykupis qhawasqalla karqa. Chaynejta jawamanpis mana llojsiyta aterqaykuchu. Wañoyqa patallaykupiña karqa. Chay phani chayamunña, tukukunayku p'unchayqa kayllapiña kashan.

Lamentaciones 4:19

Qhatiykachawajniykoqa ankamantapis aswan sinch'i phawajkuna kanku. Tukuy orqokunapi qhatiykachawayku, jap'inawaykupajtaj tukuy ch'innejpi suyaykuwayku tojllata churaspa.

Oseas 10:10

Maypachachus munasaj, chaypachaqa paykunata jasut'isaj. Ashkha suyukunataj contranpi tantaykukonqanku, maypachachus millay ruwasqanmanta paykunata jasut'isaj, chaypacha.

Amós 4:2

Tukuyta Kamachej Tata Diostajrí may llimphu kayninrayku tiluspa, nin: Uyariwaychej, jamoj p'unchaypi qankunata ganchowan jap'ispa apasonqachej, wawaykichejkunapis anzuelowan watasqa kanqanku.

Amós 5:19

Chay p'unchay kanqa, imaynachus runa leonmanta ayqekushaspa, jukumariwanñataj tinkuykun, ajina. Chayrí runa wasinman ayqespa perqaman atiykurikojtin, katariñataj khanirparin, ajina.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Sofonías 1:12

Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

1 Samuel 24:11

11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

1 Samuel 26:20

Noqaqa mana munaymanchu Tata Diosmanta karupi wañuyta. Imaraykutaj qan Israel suyuta kuraj kamachejqa pikita jina, chayrí orqopi yuthuta jina, wañuchinawaykipaj qhatiykachashawanki? nispa.