Jeremías 16:13 - DIOSPA QHELQACHISQ

¹³ Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

Qheshwa Biblia DC

¹³ Chayraykumin kay jallp'amanta wijch'usqaykichej tatasniykichej mana rejsisqankuman, nitaj qankunapis rejsisqaykichejman. Chaypitaj tukuy p'unchay mana rejsisqaykichej dioskunasllata yupaychankichej, manapuni qankunamanta khuyakusajchu, nispa.

DIOSPA QHELQACHISQAN DEUTEROCANONICAL

¹³ Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

Jeremías 16:13 ပူးပေါင်းရင်းမြစ်များ

2 Reyes 25:21

Babilonia suyuta kuraj kamachejrí paykunata Jamat jap'iynejpi Riblapi wañuchicherqa. Ajinata Judamanta runakunaqa llajtankumanta karu suyuman apasqa karqanku.

2 Crónicas 7:20

tiyakunaykichejpaj qorqaykichej, chay jallp'amanta wijch'usqaykichej. Noqapaj t'aqakusqay Templotapis chinkarparichisaj. Qankunataj tukuy runaj asikunanku kankichej.

Salmos 81:12

12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

Jeremías 10:18

Tata Dios ajinata nin: Kunan kutipi kay suyupi tiyakojkunata warak'awan jina karuman wijch'usaj. Paykunata ñak'arichisaj tullunkukama nanay chayananpaj, nispa.

Jeremías 14:8

Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 15:14

Chantá mana rejsisqayki suyupi awqaykej wata runan kanaykita ruwasaj, imaraykuchus phiñakuyneyqa ninamanta aswan sinch'ita k'ajarin, chaytaj contraykipi lawrarenqa, nispa.

Jeremías 15:4

Judá suyuta ñawpa kuraj kamachej Ezequiaspa churin Manasés imatachus Jerusalenpi millayta ruwasqanmanta, chayta ruwasaj. Chayta rikuspataj, tukuy suyumanta kajkuna mayta mancharenqanku.

Jeremías 16:5

Tata Dios nillawarqataj: Ama wañuyniyojpa wasinman yaykuychu. Amataj waqaychu, nitaj wañusqayojkunata sonqochaychu, imaraykuchus kay aylluymanta saminchayniyta oqharikapuniña, munakuyniyta, chantá khuyakuyniyta ima. Ajinata noqa Tata Dios nini.

Jeremías 17:4

Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.

Jeremías 22:26

Qanta, mamaykitawan khuskata wijch'usqaykichej, maypichus mana paqarikojta rikusorqachejchu, chay suyuman. Chaypitaj iskayniykichej wañunkichej.

Jeremías 22:28

Coniasqa mana ni imapaj walej p'akisqa k'analla jina. Payqa mana rikuy atina lajrasqa yaku p'uñu jina. Imaraykutaj pay tukuy wawankunawan khuska mana rejsisqa suyuman wijch'usqa kanmanri?

Jeremías 5:19

Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Deuteronomio 28:36

Tata Diosqa qanta, chantá kamachisunanpaj churakusqayki kuraj kamachejtawan ima, waj suyuman apachisonqachej. Chay suyutaqa ni qan, nitaj tataykikunapis rejserqankuchu. Chaypitaj k'ullumanta, chantá rumimanta ima ruwasqa waj dioskunata yupaychanki.

Deuteronomio 29:28

28 (27) Sinch'i k'arajta phiñakuspataj, paykunata karu suyuman wijch'orqa, imaynachus kunan kashanku, ajina, nispa.