Jeremías 16:10 - DIOSPA QHELQACHISQ

¹⁰ Aylluyman kay imakuna jamunanta willajtiyki, paykuna tapusonqanku: Imaraykutaj Tata Dios kay jatun ñak'ariyta contraykupi jamunanta kamacherqari? Ima millaytataj ruwarqaykuri? Ima juchatataj Diosniykoj Tata Diospa contranpi ruwaykuman karqari? nispa.

Qheshwa Biblia DC

¹⁰ Maypachachus aylluyman kay willanata parlajtiyki tapusonqanku: Imaraykutaj Señorqa kay jatun ñak'ariykunata contraykupi kamacherqari? Ima sajrataj ruwarqaykuri? Ima juchatataj ruwaykuman karqa Señor Diosniykojpa contrampiri?, nispa.

DIOSPA QHELQACHISQAN DEUTEROCANONICAL

¹⁰ Aylluyman kay imakuna jamunanta willajtiyki, paykuna tapusonqanku: Imaraykutaj Tata Dios kay jatun ñak'ariyta contraykupi jamunanta kamacherqari? Ima millaytataj ruwarqaykuri? Ima juchatataj Diosniykoj Tata Diospa contranpi ruwaykuman karqari? nispa.

Jeremías 16:10 ပူးပေါင်းရင်းမြစ်များ

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:35

Chaywanpis qan ninkiraj: Noqa mana juchayojchu kani. Diosqa mana noqawan phiñasqachu kashan, nispa. Kunantajrí qan mana juchayoj kasqaykita nisqaykirayku, qanwan pleitota oqharisaj.

Jeremías 44:3

Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Jeremías 5:19

Chantá llajta masiykichejkuna tapusonqachej: Imaraykutaj kay jinata Diosninchej Tata Dios ruwawarqanchejri? nispa. Chaypachataj kay jinata kutichiychej: Imaynatachus qankuna Tata Diosta saqerparispa, kikin llajtaykichejpi chay mana rejsisqa dioskunaj kamachiyninpi karqankichej, ajinallatataj kunan waj suyupi mana rejsisqa runakunaj kamachiyninpi kankichej, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Oseas 12:8

8 (9) Efraín nin: Qhapajyaykuni, jinataj tukuy imayoj kani. Jinapis ni pi ch'ataykuwanmanchu mana cheqan kajta ruwaspa qhapajyasqaymantaqa, nispa.