Jeremías 15:9 - DIOSPA QHELQACHISQ

⁹ Ashkha wawayoj mamakunaqa mana kallpayoj llawch'iman tukonqanku, samakuytapis mana atenqankuchu. Manaraj wañunankupi wañonqanku. P'enqachisqa, k'umuykachachisqataj kanqanku. Pipis chaymanta kawsashaj qhepakojtaj awqanwan wañuchisqallataj kanqa. Ajinata noqa Tata Dios nini.

Qheshwa Biblia DC

⁹ Ashkha wawasniyoj mamas mana kallpayoj llauchhusman tukunku, p'enqasqas k'umuykusqastaj. P'unchaypa k'anchaynimpis paykunapaj laqhayaykun. Pipis kausashaj qhepakojqa enemigosninwan wañuchisqallataj kanqa. Noqa Señor chaytaqa nini.

DIOSPA QHELQACHISQAN DEUTEROCANONICAL

⁹ Ashkha wawayoj mamakunaqa mana kallpayoj llawch'iman tukonqanku, samakuytapis mana atenqankuchu. Manaraj wañunankupi wañonqanku. P'enqachisqa, k'umuykachachisqataj kanqanku. Pipis chaymanta kawsashaj qhepakojtaj awqanwan wañuchisqallataj kanqa. Ajinata noqa Tata Dios nini.

Jeremías 15:9 ပူးပေါင်းရင်းမြစ်များ

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Jeremías 19:7

Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 21:7

Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 50:12

Chayrayku suyuykichej, maypichus paqarikorqankichej, chayqa k'umuykachachisqa, p'enqachisqataj, kanqa. Chay Caldea suyoqa tukuy suyumanta aswan qhepapi kanqa, ch'in ch'aki t'ajra pampamantaj tukuchisqa kanqa.

Jeremías 6:4

Israelpa awqankunaqa nenqanku: Sión llajtaj contranta maqanakunapaj wakichikuychej. Jamuychej, chawpi p'unchaynejta chay llajtaman yaykuykusunchej. Chaywanpis intipis yaykupushanña, laqhayaykushanñataj.

Jeremías 7:19

Ajinata ruwaspa, noqatachu phiñachiwanku? Mana, astawanqa paykunalla p'enqaypi rikhurinankupaj ruwanku. Ajinata Tata Dios nin.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 4:10

Suyuypa jatun llajtan thuñisqa kashajtin, chaypacha k'acha khuyakuyniyoj warmikuna wawankuta wayk'uykakaporqanku. Kikin wawankullatataj mikhuykakaporqanku.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 5:13

Ajinata ruwaspa, k'araj phiñakuyniyta thasnukusaj. Tukuy phiñakuyniyta qankunawan pagachikusaj sonqoy tiyaykusqa kanankama. Phiñakuyniy tiyaykojtintaj, chaypacha yachankichej noqa Tata Dios qankunamanta celosakuspa chayta nisqayta, nispa.

1 Samuel 2:5

Ñawpajta ashkha mikhunayojkunaqa kunan uj chhika mikhunarayku vendekunku. Yarqhasqa kajkunataj kunan sumaj mikhusqa kanku. Mana wawayoj kayta atej warmeqa qanchis kutitaña wawata rejsin. Ashkha wawayoj warmirí, kunan manaña wawayojchu.