Jeremías 15:6 - DIOSPA QHELQACHISQ

⁶ Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Qheshwa Biblia DC

⁶ Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

DIOSPA QHELQACHISQAN DEUTEROCANONICAL

⁶ Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 15:6 ပူးပေါင်းရင်းမြစ်များ

Isaías 1:4

Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Isaías 28:13

Chayrayku Tata Diosqa juch'uy wawakunaman jina paykunaman parlanqa. Kutin kutinta, kikin simikunallawan, uj k'ata parlayllatapuni yachachenqa. Watejmanta watej, pisimanta pisi, aqó aqó niytapis willallanqataj. Paykunatajrí wawa jina purishaspa, wasamanta wijch'ukonqanku, chaypitaj k'iriykukonqanku, tojllaman urmaspataj, ch'ipasqa qhepakonqanku.

Isaías 31:3

Egiptomanta kajkunaqa runakunalla kanku manataj dioskunachu. Caballonkunaqa aychallamanta kanku, manataj espirituchu. Chayrayku Tata Dios atiyninwan ñak'arichejtin, pichus yanapaj urmanqa, jinallataj yanapachikojpis. Jinamanta iskayninku ujllapi urmachisqa kanqanku.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 13:14

Chantá paykunata ch'allpaspa, p'uñuta jina phirirasaj, tatakunata wawankutawan khuskata. Paykunamanta mana khuyakuspa, ni uj puchuyojta tukuchisaj. Ajinata Tata Dios nini.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Jeremías 6:12

Wasinku, llank'ananku jallp'a, chantá warminkupis wajkunaj makinkuman chayanqanku, imaraykuchus noqa makiyta oqharisaj kay jallp'api tiyakojkunata jasut'inaypaj. Noqa Tata Diosmin chayta nini.

Jeremías 6:19

Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Jeremías 7:16

Tata Dios nillawarqataj: Qan, Jeremías, ama kay runakunarayku mañakuwaychu, nitaj majakuwaychu. Amapuni paykunapaj mañapuychu. Amallataj kutin kutinta paykunarayku mañawaychu, imaraykuchus mana uyarisqaykichu.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Jeremías 8:9

Chay yachayniyojkunaqa k'umuykuchisqa, mancharichisqataj kanqanku, imaynatachus uj animal tojllapi jap'ichikun, jinata. Sichus noqaj nisqaykunata qhesachanku chayqa, ima yachaymantataj parlankuri?

Ezequiel 14:9

Sichus Diosmanta uj sut'inchaj llullata parlanqa chayqa, noqa chay sut'inchajta q'otiyarqani. Jinaqa makiyta oqharisaj payta jasut'inaypaj, Israel ayllumantataj chinkachisaj.

Ezequiel 25:7

Chayrayku makiyta oqharispa, qankunata jasut'isqaykichej. Waj suyukunamanta runakunamantaj jaywaykusqaykichej, paykuna tukuy kapuyniykichejta qhechusunaykichejpaj. Chay suyukuna ukhumanta qankunata orqhospataj, chinkasqata chinkarparichisqaykichej. Chaypacha noqa Tata Dios kasqayta yachankichej, nispa.

Ezequiel 35:3

Noqaj sutiypi kay jinata niy: Tukuyta Kamachej Tata Dios nin: Seir orqo, noqa contraykipi kashani. Jasut'isqayki, chantá ch'inpachata, thuñisqatataj saqerparisqayki.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

Oseas 4:16

Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

Sofonías 1:4

Judá suyupi tiyakojkunaj contrankupi makiyta oqharisaj, Jerusalén llajtapi tukuy tiyakojkunaj contrankupi ima. Chaymanta Baal diosta yupaychanata chinkachisaj. Sacerdotenkunaj sutinkutapis chinkachillasajtaj.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.