Jeremías 15:15 - DIOSPA QHELQACHISQ

¹⁵ Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

Qheshwa Biblia DC

¹⁵ Señor, qan tukuy imata yachanki, noqamanta yuyarikuy ari, jamuytaj yanaparinawaykipaj. Tukuy qhatiykachawajkunaman aynita kutichiy ari. Ama paykunata ch'inllamanta qhawakuychu noqata wañuchinawankukamaqa, qhaway qanrayku tukuy rimapayawasqasninkuta ñak'arishani.

DIOSPA QHELQACHISQAN DEUTEROCANONICAL

¹⁵ Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

Jeremías 15:15 ပူးပေါင်းရင်းမြစ်များ

Nehemías 13:22

Chaymantataj levitakunata kamacherqani Diospa ñawpaqenpi llimphuchakuspa punkukunata qhawaj rinankuta, jinamanta samarina p'unchayta ama manakajman tukuchinankupaj. Chantá Diosman parlaspa, nerqani: Diosníy, kay tukuy ima ruwasqaymanta yuyarikuway, khuyarikuwaytaj k'acha munakuyniykiman jina, nispa.

Nehemías 13:31

Kamachillarqanitaj ima p'unchaykunapichus ruwanankupaj churasqa karqa, chay p'unchaypi llant'ata churanankuta, jinataj chay ñawpaj kaj poqoykunatapis jaywanankuta. Chantá Diosman parlaspa nerqani: Diosníy, ama qonqapuwaspa allinniypaj yanapariway ari.

Nehemías 5:19

Chayrayku kunan nini: Yuyarikuy noqamanta, Diosníy, allin rinawanpaj, chay tukuy imata judío masiykunarayku ruwasqaymanta, nispa.

Nehemías 6:14

Jinapi Diosmanta kay jinata mañakorqani: Diosníy, yuyarikuy ari Sambalatwan, Tobiaswan imatachus ruwasqankumanta. Amallataj qonqapuychu sut'inchaj Noadiasmanta, nillataj waj sut'inchajkunamanta, pikunachus manchachiwayta munarqanku, chaykunamanta, nispa.

Job 10:7

Qan allinta yachanki noqaqa mana juchayojchu kasqayta, yachallankitaj qanpa atiyniykimanta ni pipis kacharichiwayta atisqanta.

Salmos 102:24

24 (25) Chantá noqa mañarikorqani: Diosníy, qanqa wiñay wiñaypaj kawsanki. Ama munaychu manaraj wañunaypi wañunayta, nispa.

Salmos 106:4

Tata Dios, noqamanta yuyarikuway, aylluykipaj allin kajta ruwashaspa. Qhespichej jamuspaqa, noqamanta yuyarikuwaypuni.

Salmos 119:84

Mayk'ajkamataj suyasajri? Mayk'ajtaj qhatiykachawajkunata juzgaspa juchachankiri?

Salmos 17:3

Sonqoypi imachus kasqanta qan watuwanki. Tutan qhawawaj jamuwarqanki sonqoy imaynachus kasqanta yachayta munaspa, manataj ima mana allin kajtapis tarerqankichu. Sonqoypi nerqani simiywan mana pantanayta.

Salmos 39:13

13 (14) Ama jinata qhawawayñachu, uj chhikallantapis samarichiway, manaraj ripuspa chinkaripushajtiy.

Salmos 44:22

22 (23) Chaywanpis noqayku qanrayku sapa p'unchay wañuy patapi kashayku, awqaykukunataj ñak'anapaj ovejata jina qhawawayku.

Isaías 38:3

Tata Dios, noqamanta yuyarikuy imaynatachus ñawpaqeykipi purisqayta, tukuy sonqo cheqan kajta ruwaspa, nispa. Chantá Ezequías sonqo nanayta waqarqa.

Jeremías 12:3

Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

Jeremías 15:10

Chantá noqa Jeremías nerqani: Ay, noqamanta, mamáy, imapajtaj paqarichikuwarqankiri? Kay pachapi kaj chhika runakuna contrayta sayaykuspa, noqawan churanakunankupajchu? Mana pimanpis qolqeta manunichu, nitaj pipis noqaman manuwanchu. Chaywanpis tukuy maldiciwanku, nispa.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Jeremías 17:16

Chaywanpis, noqaqa mana tanqarqaykichu, nitaj mañarqanichu ñak'ariykunawan jasut'inaykita. Tukuy ima nisqayta qan yachanki, imaraykuchus qan uyarishajtiyki parlarqani.

Jeremías 18:23

Qantajrí Tata Dios, wañuchinawankupaj imatachus contraypi ruwayta yuyashanku, chayta yachanki. Chay millay ruwasqankumanta ama paykunata qhespichiychu, nitaj juchankuta pampachaychu. Ñawpaqeykipi urmachisqa kachunku. Phiñakuyniykiwan ñak'arichiy, ajinata paykunawan ruway.

Jeremías 20:11

Qanrí Tata Dios, noqawan kashanki, may kallpasapa wapu soldado jina. Chayrayku qhatiykachawajkunaqa misk'anqanku, manataj atipawayta atenqankuchu. Tukuy ruwasqanku mana allin llojsejtin, p'enqaypi rikhurenqanku. Wiñaypajtaj mana allinpaj qhawasqa kanqanku.

Jeremías 20:12

Tukuy Atiyniyoj Tata Dios, Qanmin cheqan runaj sonqonta qhawanki. Qanmin runaj sonqonta, yuyayninta ima watunki. Noqamanpis imaynatachus paykunata jasut'ispa pagachikusqaykita rikuchiway, imaraykuchus qanllaman llakiyniyta willakuni waqaychasqa kanaypaj.

Jeremías 20:8

Sapa kuti simiyta kicharispa, qhaparini: Ch'ajwa kanqa, thuñisqa kaytaj, nispa. Chayrayku sapa kuti turiyawanku, asiykukuwankutaj nisqaykita willarasqayrayku.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.

Lamentaciones 3:66

Chay k'araj phiñakuyniykiwan paykunata qhatiykuy, kay jallp'a patamantataj chay runakunata chinkachiy ari, Tata Dios.

San Mateo 10:22

Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

San Mateo 19:29

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

San Lucas 21:17

Noqarayku tukuy runaj chejninan kankichej.

Romanos 12:19

Munasqa wawqe panakuna, ama qankuna kikiykichej vengakuychejchu, manachayqa saqeychej Dios millayta ruwajkunata jasut'inanta. Diospa Qhelqachisqanpi nin: Tukuyta Kamachej Dios nin: Vengakunaqa noqajta. Ruwasqankuman jina jasut'ispa, noqa pagachikusaj, nispa.

Romanos 8:35

Imapis Cristota jark'anmanchu amaña pay munakunawanchejpaj? Mana ni imapis. Ichapis ñak'arichisqa kasunman, llakisqachus, chayrí qhatiykachasqachus. Ichapis mikhunamanta, p'achamantapis pisichikuspa kasunman. Manachayrí wañuy patapi kasunman, chayrí wañuchisqa kananchejpaj qhawasqa. Ajina kashaspa, nisunmanchu Cristo manaña munakuwasqanchejta?

2 Corintios 5:11

Chayrayku noqayku Tukuyta Kamachej Diosta manchachikuna kasqanta yachaspa, runakunaman tukuy sonqo entiendechiyta munayku Diosman kutirikuna kasqanta. Tata Dios imaynachus kasqaykuta sumajta yachan, jinallataj suyayku qankunapis sonqoykichejpi imaynachus kasqaykuta yachanaykichejta.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Jueces 16:28

Chantá Sansonqa Tata Diosmanta mañakorqa: Tukuyta Kamachej Tata Diosníy, mañarikuyki kay kutillatawanpis noqamanta yuyarikunaykita, jinataj kallpata qorinawaykita, iskaynin ñawiyta orqhowasqankumanta filisteokunawan pagachikunaypaj, nispa.