Jeremías 15:13 - DIOSPA QHELQACHISQ

¹³ Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Qheshwa Biblia DC

¹³ Israel, qanta tukuy juchasniykiraykumin enemigosniykej juchasninraykumin jaywaykusaj, qolqesniykita, kapuyniykita, tukuy imaschus jallp'aykipi kajtawan, paykuna chay tukuyta qhasilla apakapunankupaj.

DIOSPA QHELQACHISQAN DEUTEROCANONICAL

¹³ Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Jeremías 15:13 ပူးပေါင်းရင်းမြစ်များ

Salmos 44:12

12 (13) Aylluykitaqa chhalarparerqanki, vendespataj, mana ni imatapis ganarqankichu.

Isaías 52:3

Tata Dios nin: Mana ima pagotapis jap'erqanichu vendesusqaykichejmanta, kunanpis manallataj ima pagotapis qosajchu kacharisunaykichejpaj, nispa.

Isaías 52:5

Kunanqa imataj kayri? Mana imallamanta aylluyta mana munashajta waj suyuman apanku. Paykunata ñak'arichejkunaqa wapuykachaspa, qhaparqachanku, sapa p'unchaytaj contraytapis rimanku.

Jeremías 15:8

Warmisapakuna mama qochaj kantunpi t'iyu jina may chhika kanqanku. Kikin chawpi p'unchaypi mamankuman, wawankumanwan wañuchejta kachamusaj. Kaymanta jinalla paykunaj patankuman ñak'ariyta, mancharikuytawan urmachimusaj.

Jeremías 17:3

Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

Jeremías 20:5

Jinallatataj kay llajtapi kaj tukuy imata Babiloniaman apanankupaj jaywaykullasajtaj: Judapi kuraj kamachejpa tukuy qhapaj tiyapuyninta, tukuy ima tarisqankuta chantá valorniyoj kapuyninta ima apakaponqanku.

Ezequiel 38:13

Jinapi Sabá llajtayojkuna, chantá Dedanmanta kajkunapis, jinallataj Tarsis llajtayoj ranqherokuna, chantá tukuy ranchonkunantin tapurisonqanku: Suwajchu jamorqanki? Qolqe metalta, qorita, chantapis uywakunata, waj kapuykunantawan apakapunaykipajchu soldadoykikunata tantaykorqanki? nispa.

Sofonías 1:13

Chayrayku tiyapuyninkutaqa suwakuna qhechonqanku, wasinkutaj laqayaman tukuchisqa kanqa. Wasitapis ruwakonqanku, manataj chaypi tiyakonqankuchu. Uvatapis mallkenqanku, poqoyninmantataj mana vinota ujyanqankuchu, nispa. Ajinata Tata Dios nin.