Jeremías 15:10 - DIOSPA QHELQACHISQ

¹⁰ Chantá noqa Jeremías nerqani: Ay, noqamanta, mamáy, imapajtaj paqarichikuwarqankiri? Kay pachapi kaj chhika runakuna contrayta sayaykuspa, noqawan churanakunankupajchu? Mana pimanpis qolqeta manunichu, nitaj pipis noqaman manuwanchu. Chaywanpis tukuy maldiciwanku, nispa.

Qheshwa Biblia DC

¹⁰ Ay, noqamanta, mamáy, qanqa maqanakunallaypaj nacechikuwasqanki, tukuy kay pacha runaswan qhayqarakunaypaj, churanakunaypajtaj. Mana pimampis qolqetaqa manunichu, nitaj pipis noqaman manuwankuchu, jinapis tukuy runas sajra kajta munapuwanku.

DIOSPA QHELQACHISQAN DEUTEROCANONICAL

¹⁰ Chantá noqa Jeremías nerqani: Ay, noqamanta, mamáy, imapajtaj paqarichikuwarqankiri? Kay pachapi kaj chhika runakuna contrayta sayaykuspa, noqawan churanakunankupajchu? Mana pimanpis qolqeta manunichu, nitaj pipis noqaman manuwanchu. Chaywanpis tukuy maldiciwanku, nispa.

Jeremías 15:10 ပူးပေါင်းရင်းမြစ်များ

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

Salmos 109:28

Munaspaqa maldiciwachunkupis, qantajrí saminchallawankipuni. Paykuna maqanawankupaj sayaykuwankuman chaypis, p'enqachisqa kanqanku. Noqa kamachiykitajrí kusikullasajpuni.

Salmos 15:5

Payqa mana interesniyojta qolqeta manurin, nitaj mana juchayojpa contranta llullakunanpaj lluk'ita jap'ikunchu. Chay jinata ruwaj runaqa ni jayk'aj urmanqachu.

Salmos 69:4

4 (5) Qhasillamanta chejnikuwajkunaqa umaypi chujchaymantapis aswan ashkha kanku. Manakajllamanta wañuchiwayta munaj awqaykunaqa aswan atiyniyojman tukunku. Chantá paykuna mañawanku mana suwasqayta kutichipunayta.

Éxodo 22:25

25 (24) Sichus aylluy ukhupi kaj wajcha runaman qolqeta mañarinki chayqa, ama qolqe manoj runa jinachu paywan kanki, nitaj qolqe interestapis mañankichu.

Proverbios 26:2

Phichitanka kayman jaqayman phawaykachan, para p'isqopis muyuykachan. Ajinallataj pipis mana imallamanta runa masinta maldicejtin, mana chay runaman chayanqachu.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Levítico 25:36

Manusqaykimantaqa ama interesta mañankichu, manachayqa Diosniykita may jatun respetowan qhawaspa, llajta masiykita wasiykipi tiyakunanpaj wajyarikuy.

Levítico 25:37

Ama qolqeta manusqaykimanta interesta mañankichu, nillataj mikhunata vendespapis astawan kurajpi payman vendenkichu.

Habacuc 1:3

Imaraykutaj millay ruwayllata, ñak'ariyllatawan qhawachiwankiri? Millay ruwaykunawan, wañuchinakuywan ima muyurisqa kani. Tukuynejpi phiñanakuykuna, maqanakuykunapis tiyan.

San Mateo 24:9

Chantá runakuna qankunata jap'ichispa, ñak'arichisonqachej, wakinniykichejtataj wañuchisonqachej. Ajinata tukuy runaj chejnisqan kankichej noqaj sutiyrayku.

San Mateo 5:44

Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

San Lucas 2:34

Chantá Simeón paykunata saminchaytawan, wawaj maman Mariatañataj nerqa: Kay wawataqa Diosmin Israelpi churan, wakinkunata urmachinanpaj, wakinkunataj Diosman kutirichinanpaj. Dios payta señal kananpaj churajtinpis, ashkha runakuna payta qhesachanqanku.

San Lucas 6:22

Kusikuyniyojmin kankichej pikunachus Runaj Churinrayku waj runakuna chejnisojtiykichej, paykuna ukhumanta qharqosojtiykichej, rimasojtiykichej, millay runakunata jina qhesachasojtiykichej ima.

Hechos 28:22

Chaywanpis, noqayku qanpa simiykimanta uyariyta munayku imatachus yuyasqaykita, imaraykuchus uyariyku ashkha runakuna chay Jesuspa yachachisqanta qhatejkunaj contranta tukuynejpi oqharikusqankuta, nispa.