Jeremías 15:1 - DIOSPA QHELQACHISQ

¹ Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Qheshwa Biblia DC

¹ Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

DIOSPA QHELQACHISQAN DEUTEROCANONICAL

¹ Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 15:1 ပူးပေါင်းရင်းမြစ်များ

Génesis 19:27

Q'ayantin tutamanta Abrahamqa, maypichus Tata Dioswan parlasqa, chayman kutirerqa.

2 Reyes 17:20

Chayrayku Tata Diosqa israelitakunata qhesachaspa ñak'aricherqa, chantá awqankuwan atipaykuchispa, ñawpaqenmanta karuman wijch'orqa.

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Salmos 99:6

Moiseswan, Aaronwan sacerdotenkuna karqanku. Samuelpis Diospa sutinta oqharejkunawan khuska yupasqa karqa. Paykuna Tata Diosmanta mañakoj kanku, paytaj mañakusqankuta uyarej.

Proverbios 14:35

Sumaj yuyayniyoj kamacheqa kuraj kamachejninwan munachikun. Mana allin kaj kamachirí phiñapayachikuyllata tarin.

Jeremías 10:18

Tata Dios ajinata nin: Kunan kutipi kay suyupi tiyakojkunata warak'awan jina karuman wijch'usaj. Paykunata ñak'arichisaj tullunkukama nanay chayananpaj, nispa.

Jeremías 11:14

Ajinaqa Jeremías, ama kay runakunarayku imatapis mañawaychu, ama majakuwaychu nitaj qhaparimuwaychu, imaraykuchus ñak'ariypi rikukuspa qhaparikamuwajtinkupis, mana uyarisajchu.

Jeremías 14:11

Chantá Tata Dios nillawarqataj: Kay runakunata yanapanayta ama mañakuwaychu.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 15:19

Chantá Tata Dios kutichiwarqa: Noqamanchus kutirikamuwanki chayqa, noqa qanta kamachiypi kanaykipaj jap'ikapusqayki. Sichus qhasi manakaj imakunata manaña thawtinkichu, manachayqa allin imakunallataña ninki chayqa, sutiypi parlamojta kachasqayki. Paykuna qanman kutirikamuchunku, qantajrí amapuni paykunaman kutirikunkichu.

Jeremías 16:13

Chayraykumin kay suyumanta wijch'usqaykichej, mana tataykichej nitaj qankunapis rejsisqaykichej suyuman. Chaypitaj tuta p'unchay mana rejsisqaykichej dioskunata yupaychankichej, imaraykuchus manapuni qankunamanta khuyakusajchu, nispa.

Jeremías 16:5

Tata Dios nillawarqataj: Ama wañuyniyojpa wasinman yaykuychu. Amataj waqaychu, nitaj wañusqayojkunata sonqochaychu, imaraykuchus kay aylluymanta saminchayniyta oqharikapuniña, munakuyniyta, chantá khuyakuyniyta ima. Ajinata noqa Tata Dios nini.

Jeremías 18:20

Allin kajta ruwaytaqa mana allinta ruwaspachu kutichina? Paykunaqa t'oqota allanku chayman wijch'uykunawankupaj. Yuyarikuy ñawpaqeykiman jamuspa paykunaj allinninkuta mañapusqayta, paykunamanta k'araj phiñakuyniykita karunchanaykipaj.

Jeremías 22:28

Coniasqa mana ni imapaj walej p'akisqa k'analla jina. Payqa mana rikuy atina lajrasqa yaku p'uñu jina. Imaraykutaj pay tukuy wawankunawan khuska mana rejsisqa suyuman wijch'usqa kanmanri?

Jeremías 23:39

Imaynatachus pipis q'epita wijch'uspa, saqerparillan, ajinallatataj qankunatapis wijch'uspa, qonqayman churasqaykichej. Qankunaman, jinataj ñawpa tataykichejmanpis qorqaykichej, chay llajtatawan, qankunatawan ima ñawpaqeymanta karuman wijch'usqaykichej.

Jeremías 35:19

Chayrayku noqa Israelpa Tukuy Atiyniyoj Tata Diosnin niykichejpuni: Recabpa churin Jonadabpa ayllunmanta uj runa kallanqapuni kamachisqayta ruwananpaj, nispa.

Jeremías 52:3

Chayrayku Tata Dios Jerusalén llajtapaj, chantá Judá suyupajpis phiñakorqa. Chantá ñawpaqenmanta paykunata wijch'orqa. Chantá Sedequías Babiloniata kuraj kamachejpa contranpi oqharikorqa.

Jeremías 9:19

19 (18) Sionmantapacha llakiymanta waqaspa qhaparisqanku uyarikun: Ay, imaynatataj mana imayoj llakiypi rikhurinchej. May p'enqachisqa kashanchej. Kay suyunchejta saqerparinanchej tiyan, imaraykuchus wasinchejqa raqaykunallaña, nispa.

Ezequiel 14:14

Sichus kay kinsa runakuna: Noé, Daniel, Job ima chay llajtapi kashankuman chayqa, noqa paykunallata wañunankumanta qhespichiyman cheqan runakuna kasqankurayku. Noqa Tukuyta Kamachej Tata Diosmin chayta nini.

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

Oseas 9:15

Tata Dios nin: Israelitakunaqa Gilgalpi tukuy imaymana mana allin kajta ruwarqanku, chaymantapachataj paykunata chejnikuyta qallarerqani. Millay sajrata ruwasqankuraykutaj wasiymanta paykunata wijch'usaj. Manaña paykunata munakusajñachu, imaraykuchus tukuy kurajninkukuna contraypi oqharikorqanku.

Zacarías 3:3

Josueqa Tata Diospa angelninpa ñawpaqenpi ch'ichi p'achawan p'achallisqa sayasharqa.

Deuteronomio 9:26

Chantá Tata Diosmanta mañakuspa, nerqani: Tukuyta Kamachej Tata Diosníy, kay aylluykita ama chinkachiychu ari, imajtinchus qanpatamin kanku. Qanmin preciota pagaspa paykunata jatun atiyniykiwan kacharicherqanki, Egiptomantataj kallpaykiwan orqhomorqanki.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Jueces 5:9

Sonqoyqa Israelpa kamachejninkunawan khuska kashan, aylluymanta tukuy sonqo maqanakuman llojsejkunawanpis. Tata Diosta tukuy yupaychaychej.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

1 Samuel 7:9

Chantá Samuelqa ñuñoj corderitota jap'ispa ñak'aytawan, tukuyninta Tata Diospaj ruphacherqa. Chaymantataj Tata Dios yanapananta mañaporqa, Tata Diostaj mañakusqanta uyarerqa.