Jeremías 14:8 - DIOSPA QHELQACHISQ

⁸ Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Qheshwa Biblia DC

⁸ Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

DIOSPA QHELQACHISQAN DEUTEROCANONICAL

⁸ Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 14:8 ပူးပေါင်းရင်းမြစ်များ

Salmos 10:1

Tata Dios, imaraykutaj karupi kashankiri? Imaraykutaj llakiypi kashajtiy, pakakunkiri?

Salmos 138:7

Llakiypi rikhurejtiy, qan mosoj kallpata qowanki, jinallataj atiyniykiwan awqaykunaj phiñakuyninkumanta kacharichiwanki.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Salmos 46:2

2 (3) Chayrayku kay jallp'a ikhakojtinpis, mama qochaman orqokuna chinkaykushajtinkupis, mana manchachikusunchu.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Salmos 71:5

Tukuyta Kamachej Diosníy, wayna kasqaymantapacha qanlla yanapanawaykita suyakuni, qanllapitaj atinikuni.

Salmos 9:9

9 (10) Tata Diosqa ñak'arichisqa runakunata jark'akun, llakiypi rikhurejtinkupis, paykunata mana saqerparinchu.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Isaías 33:2

Tata Dios, noqaykumanta khuyarikuwayku ari. Noqaykoqa qanllapi atinikuspa suyakuyku. Qanqa sapa paqarin kallpachawayku ari, llakiy p'unchaypipis kacharichiwajniyku kay.

Isaías 43:11

Noqamin Tata Dios kani, noqamanta jawataj mana waj qhespichejpis kanchu, nispa.

Isaías 43:3

Noqa Tata Diosniyki kani, Israelpa May Llimphu Kaj Diosnin, qhespichisojniykitaj. Kacharichisunaypaj noqa Egiptota, Etiopiata, Sebatawan ima qanmanta pagota jina qorqani.

Isaías 45:15

Cheqapuni Israelpa Diosnin kanki, qhespichej Diostaj. Qanqa mana rikukoj Dios kanki.

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Isaías 63:8

Tata Dios nerqa: Paykunaqa noqaj aylluy kanku, mana wasanchaj wawaykuna kanku, nispa. Chayrayku pay kikin paykunata qhespicherqa.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 50:7

Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Zacarías 9:12

Pikunachus kacharichisqa kayta suyakojkuna, sumaj jark'achasqa wasiykichejman kutimuychej. Noqa niykichej, ñak'arisqaykichejmanta uj jinatawanraj kutichipusunaykichejta.

Hechos 28:20

Chayrayku noqa wajyacherqaykichej qankunata rikuyta munaspa, kay imakunamanta parlanaypaj: Noqaqa Israel ayllunchejpa suyakuyninrayku kay cadenawan watasqa kashani, nispa.

1 Timoteo 1:1

Noqa Pablo Jesuspa kuraj kachan kani, qhespichiwajninchej Diospa kamachisqanrayku chantá Cristo Jesuspa kamachisqanraykutaj. Paynejtamin Dios yanapanawanchejta suyakunchej.

Jueces 19:17

Jinapi levitata plazapi tiyashajta rikuspa, chay machu runaqa payta tapurerqa: Maymantataj jamushankiri? Maymantaj rishankiri? nispa.