Jeremías 14:3 - DIOSPA QHELQACHISQ

³ Qhapajkunaqa uywasqankuta yakuman kachanku, paykunataj yaku qochapi mana yakuta tarinkuchu, ch'usaj p'uñuyojlla kutipunku. P'enqakuymanta uyankuta mana mayman churayta atispa, umankutapis qhataykukunku.

Qheshwa Biblia DC

³ Qhapajkunaqa uywasqasninkuta yakuman kachanku, chaykunataj yaku qochasman rinku, manataj yakuta tarinkuchu, kutipunkutaj ch'usaj p'uyñusniyojlla, ch'aukiyasqas, may p'enqasqastaj umasninkuta qhataykukuspa.

DIOSPA QHELQACHISQAN DEUTEROCANONICAL

³ Qhapajkunaqa uywasqankuta yakuman kachanku, paykunataj yaku qochapi mana yakuta tarinkuchu, ch'usaj p'uñuyojlla kutipunku. P'enqakuymanta uyankuta mana mayman churayta atispa, umankutapis qhataykukunku.

Jeremías 14:3 ပူးပေါင်းရင်းမြစ်များ

2 Samuel 15:30

Davidtajrí Olivos orqo wichayta q'ara chakilla, waqaspa, umanta qhataykukuspataj wicharerqa. Tukuy paywan kajkunapis umankuta qhataykukuspa, waqaspallataj wicharerqanku.

2 Samuel 19:4

4 (5) Kuraj kamachejtajrí uyanta jap'iykukuspa, mayta waqarqa: Wawáy Absalón. Wawáy, wawitáy, nispa.

1 Reyes 17:7

Chaywanpis mana unayninmanchu chay wayq'opi yakoqa ch'akiporqa, mana paramusqanrayku.

2 Reyes 18:31

Qankunarí ama payta uyariychejchu. Manachayqa Asiria suyuta kuraj kamachej ajinata nisunkichej: Noqawan allinyakuychej, noqamantaj k'umuykamuychej. Ajinata ruwankichej chayqa, sapa ujniykichej uva sach'aykichejmanta, higo sach'aykichejmantapis mikhunkichej. Sapa ujtaj kikin pujyuykichejmanta yakuta ujyankichej.

Ester (hebreo) 6:12

Ajinata muyurimuytawan, Mardoqueoqa kamachina wasi punkuman kutiporqa. Amantajrí usqhay usqhayllata wasinman kachaykukorqa may llakisqa, p'enqakuymanta uyanta suk'umpaykukuspa.

Job 6:20

Chayman chayaspataj, ch'aki mayullata tarinku. Yaku tariyta suyasqankoqa qhasi manakajlla kasqanta rikunku.

Salmos 109:29

Ch'ataykuwajkunaqa p'enqaypi rikhurichunku, k'umuykuchisqa kasqankutaj qhatana jina paykunata qhataykukuchun.

Salmos 40:14

14 (15) Chantá wañuchiyta munawajkuna p'enqaypi rikhurichunku. Mana allinta ruwayta munawajkunapis p'enqayta k'umuykachaspa ayqechunku.

Jeremías 14:4

Chajrata poqochejkuna sonqo p'akisqa rikhurinku, chay llakiymanta umankuta qhataykukuspa, imaraykuchus mana para kasqanrayku jallp'a t'ajralla kashan.

Jeremías 15:18

Jina chayqa, imaraykutaj kay nanayniy mana jayk'aj thañinchuri? Imaraykutaj kay k'iriy mana thañipunchuri, nitaj jampisqa kayta atinchuri? Qanqa ch'aki mayu jina noqapaj kanki, nispa.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:37

Chantá Egiptomanta may p'enqayta kutimunki, imaraykuchus pikunapichus atinikorqanki, chaykunata noqa qhesachani. Paykunawan kawsakuspaqa, mana imatapis tarinkichu, nispa.

Jeremías 20:11

Qanrí Tata Dios, noqawan kashanki, may kallpasapa wapu soldado jina. Chayrayku qhatiykachawajkunaqa misk'anqanku, manataj atipawayta atenqankuchu. Tukuy ruwasqanku mana allin llojsejtin, p'enqaypi rikhurenqanku. Wiñaypajtaj mana allinpaj qhawasqa kanqanku.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Lamentaciones 4:4

Ñuñoj wawakunaj qallunkoqa yaku ch'akiymanta siminkuman k'askaykapullanña. Wawakuna t'antata mañakojtinku, mana pipis t'antata qorej kanchu.

Oseas 2:3

3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.

Joel 1:20

K'ita animalkunapis qanman qhaparikamusunku, imaraykuchus juch'uy mayupi yakupis ch'akipun. Pastotapis nina ruphaykapun.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Amós 4:8

Chantá runakuna llajtamanta llajta yakuta mask'aspa purerqanku, manataj ch'akiyninkuta thasnunankupaj tarerqankuchu. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Zacarías 14:17

Sichus kay pachamanta mayqen suyupis Jerusalenman mana renqachu Kuraj Kamachej Tukuy Atiyniyoj Tata Diosta yupaychaj chayqa, chay suyunkuman mana paranqachu.