Jeremías 14:22 - DIOSPA QHELQACHISQ

²² Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Qheshwa Biblia DC

²² Chay juchasapaspa lantisnenqa mayqellampis parachimunmanchu? Cielomanta paraqa payllamantachu paramun? Mana, Señor Diosniyku! Qanllamin kanki parata apachimojqa, qanllamin kay tukuy imastaqa ruwanki; chayrayku qanllapi suyayniykoqa kashan.

DIOSPA QHELQACHISQAN DEUTEROCANONICAL

²² Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 14:22 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 17:14

Israelpa Tata Diosnin kay jinata nin: Wich'ipi jak'oqa, yurupi aceitepis mana tukukonqachu, noqa parachimunaykama, nispa.

1 Reyes 18:1

Kinsa watanman Tata Diosqa Eliasta nerqa: Ajabpa wasinman riy, imaraykuchus noqaqa ña parachimusajña, nispa.

1 Reyes 8:36

janaj pachamanta uyarimuspa, kamachiykikunaj juchankuta pampachay. Chantá paykunata yachachiy allinta purinankuta. Paratapis parachimuy, aylluykiman chayaqenkupaj qorqanki, chay jallp'aman.

Job 28:26

Dios paramanpis kamachisqakunata qorqa chaypacha, illapamanpis ñanninta rikucherqa. Maypachachus chaykunata ruwarqa chaypacha,

Job 5:10

Diosqa parata kay jallp'a pataman parachimun, chaywantaj tukuy jallp'ata qarpan.

Salmos 130:5

Tukuy sonqoywan Tata Diospi atinikuspa, yanapanawanta suyakuni, imajtinchus nisqanta jap'ikuni.

Salmos 135:7

Kay pachaj k'uchunmanta phuyukunata orqhomuspa, parananpaj lliuj lliujkunata rikhurichin, wayratapis jallch'ananmanta orqhomun.

Salmos 147:8

Payqa janajta phuyuwan qhataykun, jinallataj jallp'apaj parata wakichin, orqokunapipis qhorata wiñachin.

Salmos 25:21

Cheqan ruwasqay, mana juchayoj kasqay ima waqaychawachunku, imaraykuchus qan yanapanawaykita suyakuni.

Salmos 25:3

Qanpi suyakojqa mana ujpis p'enqachisqachu kanqa. Aswanpis contraykipi qhasimanta oqharikojkunamá p'enqaypi rikhurichunku.

Salmos 27:14

Tata Dios yanapasunanta pacienciawan suyakuy. Kallpachakuy, amataj llawch'iyaychu. Arí, Tata Diospi atinikuspa, pacienciawan suyay.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Isaías 41:29

Tukuyninku qhasi manakaj kanku, manataj imatapis ruwayta atinkuchu. Jich'aspa ruwasqaykichej lantikunaqa qhasi manakaj kanku.

Jeremías 10:12

Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

Jeremías 10:13

Jatunmanta sinch'ita qhaparejtin, janajpi yakupis tantakunku. Phuyukunata kay pachaj k'uchumanta jatarichimun. Parachispa, lliuj lliujkunata k'ancharichimun. Wayratapis maypichus waqaycharqa, chaymanta orqhomun.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 10:3

Chay runakunaj diosninkoqa qhasi manakajlla kanku. Montemanta uj sach'ata k'utuytawan, llajllayta yachaj runa t'illminawan lantita ruwan.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 5:12

Paykuna Tata Diosmanta parlaspa, kay jinata llullakunku: Diosqa mana kanchu. Mana ima mana allin kajpis qhatiriwasunchu, manataj maqanakupis, nitaj yarqhaykunapis kanqachu, nispa.

Jeremías 5:24

Mana unancharerqankichejchu, nitaj nerqankichejchu: Diosninchej Tata Diosta kasunachej. Payqa maychus tiemponpi paratapis apachimuwanchej, ñawpaj parata, qhepa paratapis, poqoyta oqharinapajtaj tiempota wakichipuwanchej, nispa.

Jeremías 51:16

Sinch'ita qhaparispa, phuyupi yakuta t'ojyarichin, kay pachaj k'uchunmantataj phuyukunata pataman wicharichin. Paramushajtin, lliuj lliujkunata lliphipirichin, wayratapis jallch'ananmanta orqhomun.

Oseas 2:7

7 (9) Waynankunaj qhepankuta renqa, manataj taripanqachu. Mask'anqa, manataj tarenqachu. Chaypachataj nenqa: Kutipusaj ñawpa qosayman, imaraykuchus paywan aswan allin karqani kunanmanta nisqaqa, nispa.

Joel 2:23

Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Miqueas 5:6

6 (5) Paykunataj Nimrodpa suyun Asiriata espadawan kamachenqanku. Chay kamachejkunaqa, pikunachus suyunchejpa mojonninta pasaykamuspa jallp'anchejman junt'aykamorqanku, chaykunamanta kacharichiwasunchej.

Miqueas 7:7

Noqatajrí Tata Diospi atinikusaj, qhespichiwajniy Diosnillaypi atinikuspa suyakusaj, imaraykuchus pay mañarikusqayta uyariwanqa.

San Mateo 5:45

Ajinamanta, janaj pachapi kashaj Tata Diosniykichejpa wawankuna kasqaykichejmanta yachayta qoshankichej. Payqa millayta ruwaj runakunapaj, k'acha runakunapajpis intinta llojsichimun. Jinallataj tukuypaj parachimun, cheqanta ruwajkunapaj, mana cheqanta ruwajkunapajpis.

Deuteronomio 28:12

Tata Diosqa qhapaj kayninta phaskaspa, janaj pachamanta maychus kananpi jallp'aykiman parachimonqa, tukuy ruwasqaykitataj saminchanqa. Qanqa waj suyukunaman manuyta atinki, qantajrí ni pimanta manukunkichu.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.