Jeremías 14:20 - DIOSPA QHELQACHISQ

²⁰ Tata Dios, millay ruwasqaykuta rejsikapuyku, jinallataj ñawpa tataykukunaj juchallikusqankutapis. Cheqatapuni tukuyniyku contraykipi juchallikorqayku.

Qheshwa Biblia DC

²⁰ Señor, juchayoj kasqaykuta yachakuykuña, jinallataj ñaupa tatasniyku juchallikusqankutapis. Contraykipi juchallikorqayku.

DIOSPA QHELQACHISQAN DEUTEROCANONICAL

²⁰ Tata Dios, millay ruwasqaykuta rejsikapuyku, jinallataj ñawpa tataykukunaj juchallikusqankutapis. Cheqatapuni tukuyniyku contraykipi juchallikorqayku.

Jeremías 14:20 ပူးပေါင်းရင်းမြစ်များ

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

2 Samuel 24:10

Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

Nehemías 9:2

Paykuna ñapis mana judiokunamanta t'aqakusqankuña. Chantá sayarikuspa, sapa uj juchankuta, jinallataj ñawpa tatankoj juchankutapis Diosman rimarerqanku.

Job 33:27

Chantá runaj uyarinanta nenqa: Juchallikorqani, mana cheqan kajta ruwarqani, Diostajrí mana juchayman jinachu jasut'iwarqa.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 8:14

Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Lamentaciones 3:42

Noqaykoqa qanpa contraykita oqharikorqayku, manataj kasukorqaykuchu. Qantaj mana juchaykuta pampacharqankichu.

Lamentaciones 5:7

Tatayku mamayku juchallikorqanku, wañuraporqankutaj. Juchallisqankurayku jasut'itajrí noqaykuman chayamuwayku.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

Amós 7:2

Chantá chay phinki phinkikuna chajrata tukuykushajtinña, nerqani: Tukuyta Kamachej Tata Dios, juchaykuta pampachawayku. Imawantaj kawsasqayku juch'uy suyulla kashaspari? nispa.