Jeremías 14:18 - DIOSPA QHELQACHISQ

¹⁸ Campoman llojsispa, maqanakupi wañuchisqa ayankuta rikuni. Llajtankuman yaykuspataj, yarqhaymanta wañushaj runakunata rikuni. Sut'inchajkuna, sacerdotekunataj llajtamanta llajta purinku, imachus kashasqanta mana yachaspa, nispa.

Qheshwa Biblia DC

¹⁸ Campoman llojsispaqa maqanakupi wañojkunaj ayasninkuta rikuni, llajtaman yaykuspa rikuni runas yarqhaymanta wañushajta. Rikullanitaj profetasta, sacerdotestawan mana rejsisqa llajtasman ripushajta.

DIOSPA QHELQACHISQAN DEUTEROCANONICAL

¹⁸ Campoman llojsispa, maqanakupi wañuchisqa ayankuta rikuni. Llajtankuman yaykuspataj, yarqhaymanta wañushaj runakunata rikuni. Sut'inchajkuna, sacerdotekunataj llajtamanta llajta purinku, imachus kashasqanta mana yachaspa, nispa.

Jeremías 14:18 ပူးပေါင်းရင်းမြစ်များ

Isaías 22:2

Jerusalén kusikuspa, raymita ruwaj llajta karqa. Kunanrí imaymana qhapariywan, ch'ajwawan ima junt'a kashan. Runaj ayan tukuynejpi wijch'urayashan. Chaywanpis chay runakuna mana maqanakupichu wañorqanku. Manachayqa yarqhaywan chantá onqoywan wañorqanku.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 23:21

Tata Dios nin: Mana noqachu chay sut'inchajkunata kachamorqani. Paykunamanqa mana parlallarqanipischu. Jinapis paykuna usqhay usqhayta rispa, sutiypi parlamorqanku.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Jeremías 6:25

Ama pipis campoman llojsiychejchu, amataj ñankunapi puriychejchu. Awqaqa armanwan sumaj wakisqa kashan. Chantá manchachikuy, kharkatitiy ima tukuynejpi kashan, nispa.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Lamentaciones 2:19

Tuta jatarispa, qhaparikuy ari. Paran paranta Tata Diospa ñawpaqenpi waqarikuy. Makiykita Tata Diosman oqharispa, mañakuy, sapa llajtaman yaykunapi mikhunamanta jina wawaykikuna ama wañunankupaj.

Lamentaciones 4:9

Espadawan ujllapi wañuchisqa kajkunaqa aswan allin wañuyta rikunku, yarqhaywan ch'ayñaspa wañojkunamanta nisqaqa, imaraykuchus mikhuna mana kasqanrayku, paykunaqa pisimanta pisi wañushanku.

Ezequiel 7:15

Llajtamanta jawapi maqanakuy tiyan, llajta ukhupitaj onqoy, yarqhay tiyan. Campopi kajkunaqa maqanakupi wañonqanku, llajtapi kajkunataj yarqhaywan, onqoykunawantaj wañuranqanku.

Amós 4:6

Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Deuteronomio 28:36

Tata Diosqa qanta, chantá kamachisunanpaj churakusqayki kuraj kamachejtawan ima, waj suyuman apachisonqachej. Chay suyutaqa ni qan, nitaj tataykikunapis rejserqankuchu. Chaypitaj k'ullumanta, chantá rumimanta ima ruwasqa waj dioskunata yupaychanki.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.