Jeremías 14:16 - DIOSPA QHELQACHISQ

¹⁶ Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Qheshwa Biblia DC

¹⁶ Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

DIOSPA QHELQACHISQAN DEUTEROCANONICAL

¹⁶ Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 14:16 ပူးပေါင်းရင်းမြစ်များ

Proverbios 1:31

Mana kasukusqaykichejrayku ñak'arinkichej. Mana allin ruwayta yuyasqaykichejwantaj amichikunkichej.

Isaías 51:20

Churiykikunaqa yarqhaywan llawch'iyaspa, tukuy ñan patapi wijch'urayashanku, tojllapi jap'isqa taruka jina. Tata Dios k'araj phiñakuyninwan paykunata jasut'erqa, Diosniykitaj paykunata sinch'ita k'amirparerqa.

Isaías 9:16

16 (15) Chay kamachejkunaqa runakunata ch'awkiyaspa, pantay ñanta pusanku.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 27:15

Tata Dios nin: Noqa paykunata manapuni kachamunichu. Paykunaqa: Diospa sutinpi parlashayku, nispa, llullakushallanku. Paykunatachus kasunkichej chayqa, noqa llajtaykichejmanta wijch'usqaykichej, qankunataj tukuchisqa kankichej, jinallataj chay llulla sut'inchajkunapis, nispa.

Jeremías 4:18

Millayta purisqaykirayku, ruwasqaykiraykutaj, kay jina llakiyta ñak'arinayki qhatirisunki. Juchallisqaykiraykutaj kay jatun llakiykuna jamun, chaytaj sonqoykita mayta nanachisunki, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 7:33

Chay runakunaj ayankuta suwintukuna, k'ita animalkuna ima mikhonqanku, nitaj pipis chaykunata mancharichej kanqachu.

Jeremías 8:1

Tata Dios nillantaj: Chay p'unchaypi Israelpa awqankuna aya p'ampanamanta tullukunata orqhonqanku: Judáj kuraj kamachejkunaj tullunkuta, kurajkunaj tullunkuta, sacerdotekunaj tullunkuta, Diosmanta sut'inchajkunaj tullunkuta, jinallataj Jerusalenpi tiyakojkunaj tullunkutawan.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Jeremías 9:20

20 (19) Warmikuna, Tata Diospa nisqanta uyariychej, parlasqanta allintapuni uyariychej. Ususiykichejman waqayta yachachiychej, jinallataj warmi masiykichejmanpis.

Jeremías 9:22

22 (21) Runakunaj ayankoqa wanu jina pampapi wijch'usqa kashan. Imaynatachus trigoj uman ruthoj qhepanpi t'akakojtin, mana pipis oqharej kanchu, ajina kanku. Ajinata Tata Dios nin.

Ezequiel 39:14

Chay qanchis killaj qhepanta, wakin runakunata mink'anqanku, tukuy suyuta purimunankupaj, mana p'ampasqa ayakunata tarispa p'ampanankupaj. Ajinamanta suyunkuta llimphuchanqanku.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.