Jeremías 14:15 - DIOSPA QHELQACHISQ

¹⁵ Chayrayku noqa Tata Diosmin chay sut'inchajkunamanta nini, pikunachus mana noqaj kachasqallay sutiypi parlanku, chaykunamanta: Paykuna ninku: Mana maqanaku kanqachu, nitaj yarqhaypis, nispa. Chay jinata sut'inchajkunaqa maqanakupi wañuchisqa kanqanku, chayrí yarqhaywan wañonqanku.

Qheshwa Biblia DC

¹⁵ Noqa Señormin chay profetasman nini, mana noqa kachajtillay sutiypi parlanku chaykunaman, ninkutaj: Mana maqanakus kanqachu, nitaj kay jallp'api yarqhaykunas kanqachu, nispa. Chay profetasqa maqanakupi yarqhaypitaj wañonqanku.

DIOSPA QHELQACHISQAN DEUTEROCANONICAL

¹⁵ Chayrayku noqa Tata Diosmin chay sut'inchajkunamanta nini, pikunachus mana noqaj kachasqallay sutiypi parlanku, chaykunamanta: Paykuna ninku: Mana maqanaku kanqachu, nitaj yarqhaypis, nispa. Chay jinata sut'inchajkunaqa maqanakupi wañuchisqa kanqanku, chayrí yarqhaywan wañonqanku.

Jeremías 14:15 ပူးပေါင်းရင်းမြစ်များ

1 Reyes 22:25

Micaiastaj kuticherqa: Maypachachus wasimanta wasi pakakuspa ayqekushanki, chaypacha yachanki, nispa.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 23:30

Sut'inchajkunaqa nisqayta ujkuna ujkuna suwanakunku. Chayrayku noqa contrankupi kashani. Noqa Tata Dios chayta nini.

Jeremías 27:15

Tata Dios nin: Noqa paykunata manapuni kachamunichu. Paykunaqa: Diospa sutinpi parlashayku, nispa, llullakushallanku. Paykunatachus kasunkichej chayqa, noqa llajtaykichejmanta wijch'usqaykichej, qankunataj tukuchisqa kankichej, jinallataj chay llulla sut'inchajkunapis, nispa.

Jeremías 6:15

Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Jeremías 8:13

Tata Dios nillantaj: Aylluytaqa trigota jina ruthusaj. Mana uvapis huertapi kanqachu, nitaj higopis sach'api puchonqachu. Manachayqa ch'aki laqhellaña qhepakonqa. Imatachus paykunaman qorqani, chayta qhechukapullasajpuni, nispa.

Lamentaciones 1:19

Waynaykunata yanapanawankupaj wajyakorqani, paykunatajrí wasanchawarqanku. Sacerdoteykunawan, kurajniykunawanqa llajta ukhupi wañorqanku. Kutirinankupaj mikhunata mask'akuspa, purerqanku.

Lamentaciones 2:20

Tata Diosníy, qhawariy yuyariytaj, mana jayk'aj pitapis kay jinata ruwarqankichu. Kay warmikunaqa paqarichikusqanku wawankuta mikhukaponqankuchu? Diospaj T'aqasqa Cheqapi sacerdotekuna, sut'inchajkuna ima Temploykipi wañurachisqa kanqankuchu?

Ezequiel 13:14

Yesowan llut'asqaykichej perqata urmaykuchisaj. Cimienton rikhurinankamataj pampachasaj. Chay perqaqa pampakama urmaykonqa, qankunataj chay laqaya chawpipi wañunkichej. Chaypacha noqa Tata Dios kasqayta yachankichej.

Ezequiel 13:15

Tukuy phiñakuyniyta chay perqapi chantá perqata llut'ajkunapiwan thasnukusaj. Chantá runakunata nisaj: Perqaqa manaña kanchu. Yesowan llut'ajkunamantapis nillataj ujpis kanchu.

Ezequiel 13:9

Noqaqa mosqoypi jina manakaj imakunata rikojkunata, chantá llullata sut'inchajkunata jasut'isaj. Paykuna Israel aylluypa tantakuyninman mana yaykuyta atenqankuchu, sutinkutaj Israel aylloj p'anqanpi mana qhelqasqachu kanqa. Manallataj Israel suyuman kutimponqankuchu. Chaypachataj qankunapis noqa Tukuyta Kamachej Tata Dios kasqayta yachankichej, nispa.

Ezequiel 14:10

Llullallata sut'inchajta tapurikoj runa, jinallataj sut'inchajpis juchankumanta jasut'isqa kanqanku.

Ezequiel 14:9

Sichus Diosmanta uj sut'inchaj llullata parlanqa chayqa, noqa chay sut'inchajta q'otiyarqani. Jinaqa makiyta oqharisaj payta jasut'inaypaj, Israel ayllumantataj chinkachisaj.

Ezequiel 33:6

Sitajchus qhawananpaj churasqa soldado llajtaj contranpi awqankunamanta soldadokunata jamushajta rikuspa, trompetata mana waqachinmanchu chayrí, llajtapi runakuna mana willasqachu kankuman. Chantá sichus awqakuna yaykumuspa mayqen runatapis wañuchinkuman chayqa, chay runa juchallisqanmanta wañonqa. Noqatajrí qhawaj soldadomanta chay runa wañusqanmanta cuentata mañasaj, nispa.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Miqueas 3:5

Israel aylloyqa pantay ñanllatapuni rishan, sut'inchajkunawan q'otiyachikusqanrayku. Pikunachus paykunata mikhuchejkunaman chay sut'inchajkuna ninku: Allillanpi tiyakusunchej, nispa. Pikunachus mana imatapis qonkuchu chaykunatarí, maqaj sayaykunku.

Deuteronomio 18:20

Sichus mayqen runa sut'inchajman tukuspa, mana noqa kamachishajtillay sutiypi parlayta munanman, chayrí waj dioskunaj sutinkupi parlanman chayqa, chay runaqa wañuchisqa kanqa.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.