Jeremías 14:14 - DIOSPA QHELQACHISQ

¹⁴ Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Qheshwa Biblia DC

¹⁴ Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

DIOSPA QHELQACHISQAN DEUTEROCANONICAL

¹⁴ Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 14:14 ပူးပေါင်းရင်းမြစ်များ

Isaías 56:10

Aylluyta qhawajkunaqa ñawsa kanku, manataj imatapis yachankuchu. Paykunaqa ayñayta mana atej alqokuna jina kanku. Winkuspa puñuywan mana sajsakuy atejkuna kanku, puñuspataj misk'irichikunku.

Isaías 9:15

15 (14) Chay uma ninakun Israelpa kurajnin chantá sumachajnin runakunawan. Chupatajrí ninakun pikunachus llullallata parlaspa ninku Diosmanta sut'inchasqankuta, chaykunawan.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 28:11

Jinaspataj, tukuy runaj uyarinankuta nerqa: Tata Dios nin: Ajinallatataj iskay watamantawan tukuy suyukunaj kunkankumanta Babiloniata kuraj kamachej Nabucodonosorpa yugo watasqanta phaskaraspa p'akirparisaj, nispa. Chayta Jananías nejtinkamataj, Jeremías riporqa.

Jeremías 28:13

Rispa, noqa Tata Dios kay nisqayta Jananiasman nimuy: K'aspimanta yugota p'akerqanki, chaypa cuentanmanta fierromantañataj yugota ruwasaj.

Jeremías 28:15

Chaypacha Diosmanta sut'inchaj Jeremiasqa Jananiasta nerqa: Uyariy, Jananías: Mana Tata Dioschu kachamusunki. Llullakuspa parlasqaykiwan kay runakunata q'otiyashanki.

Jeremías 29:21

Israelpa Tukuy Atiyniyoj Tata Diosnin kay jinata nin: Colaiaspa churin Ajab, jinataj Maseiaspa churin Sedequías ima llullakuspa nishanku: Tata Diospa sutinpi qankunaman willashayku, nispa. Noqatajrí paykunata Babiloniata kuraj kamachej Nabucodonosorpa makinman urmachisaj, paytaj rikushajtiykichej, paykunata wañurachenqa.

Jeremías 29:31

Waj suyukunaman tukuy apasqa kajkunaman kay nisqayta willachiy: Nejelanmanta Semaiasqa sutiypi parlasorqachej, mana noqaj kachamusqallay, mana imatapis payman yuyaychajtillay. Kunantaj qankuna llullakusqanta jap'ikushankichej.

Jeremías 37:19

Maypitaj chay sut'inchajniykichej kashanku, pikunachus nerqasunkichej: Babiloniamanta kuraj kamachej mana kay suyuman nitaj llajtaykichejmanpis yaykumonqachu, nispa nejkunari?

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Jeremías 8:11

Aylluypa k'irisqanta tumpallata jampiykurinku. Paykuna ninku: Tukuy ima allillan kashan, nispa. Jinapis manapuni imapis allinchu.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

Lamentaciones 2:9

Punkunkunapis pampaman wijch'usqa karqanku. Pay punku chakanankutapis p'akirarqa. Kuraj kamachejninkuwan, kurajninkukunawanqa waj suyukunaj chawpinkupi kashanku. Kamachiykunaqa manaña kanchu, nitaj Diosmanta sut'inchajkunapis mosqoypi jina imatapis Diosmanta jap'inkuñachu.

Ezequiel 12:24

Israel ayllu ukhupi mosqoypi jina llullata rikuykuna manaña kanqachu nitaj llullata sut'inchaykunapis.

Ezequiel 13:2

Runaj churin, Israelpa sut'inchajkunaj contrankuta sut'inchay. Pikunachus yuyaynillankumanta sut'inchanku, chaykunaman Tata Diospa nisqanta uyarichiy.

Ezequiel 13:23

Chayrayku qankuna manaña mosqoypi jina llulla kajta rikunkichejchu, nillataj watunkichejñachu. Noqa qankunaj atiyniykichejmanta aylluyta kacharichisaj. Qankunataj noqa Tata Dios kasqayta yachankichej.

Ezequiel 21:29

29 (34) Paykunaj mosqoypi jina rikusqankoqa qhasilla, llullataj. Chay espadaqa urmanqa millayta ruwajkunata wañuchinanpaj, juchachasqa kajkunaj kunkankuta qholurananpajtaj. Paykunata jasut'inaypaj p'unchayqa chayamunña, millayta ruwananku tukukunanpaj.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.

Zacarías 13:3

Chaypacha, sichus pipis payllamanta sut'inchayta munanqa chayqa, tatan, maman ima payta nenqanku: Qan wañunayki tiyan, imaraykuchus llullakuspa ninki Tata Diospa sutinpi sut'inchashasqaykita, nispa. Chantá tatan maman payta wañuchenqanku, payllamanta Diospa sut'inchajnin ruwakusqanrayku.

Deuteronomio 18:20

Sichus mayqen runa sut'inchajman tukuspa, mana noqa kamachishajtillay sutiypi parlayta munanman, chayrí waj dioskunaj sutinkupi parlanman chayqa, chay runaqa wañuchisqa kanqa.

1 Timoteo 4:2

Chay yachachejkunaqa puraj uya, llullataj kanku. Sonqonku thaluyasqa kasqanrayku, mana allin ruwasqankumanta sonqonku manaña nananchu.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.