Jeremías 14:13 - DIOSPA QHELQACHISQ

¹³ Noqataj kuticherqani: Tukuyta Kamachej Tata Dios, sut'inchajkuna aylluykiman ninku: Mana maqanaku kanqachu, nitaj yarqhaypis kanqachu. Tata Diosqa unaypaj allin kawsakuyta kay cheqaman apachimuwasunchej, nispa.

Qheshwa Biblia DC

¹³ Noqataj kuticherqani: Señor, profetasqa aylluykiman nishanku mana maqanakus kananta, nitaj yarqhaypis kananta. Nillankutaj qan wiñaypaj sonqo tiyasqa kayta kay cheqapi paykunaman qonaykita.

DIOSPA QHELQACHISQAN DEUTEROCANONICAL

¹³ Noqataj kuticherqani: Tukuyta Kamachej Tata Dios, sut'inchajkuna aylluykiman ninku: Mana maqanaku kanqachu, nitaj yarqhaypis kanqachu. Tata Diosqa unaypaj allin kawsakuyta kay cheqaman apachimuwasunchej, nispa.

Jeremías 14:13 ပူးပေါင်းရင်းမြစ်များ

Isaías 56:10

Aylluyta qhawajkunaqa ñawsa kanku, manataj imatapis yachankuchu. Paykunaqa ayñayta mana atej alqokuna jina kanku. Winkuspa puñuywan mana sajsakuy atejkuna kanku, puñuspataj misk'irichikunku.

Jeremías 1:6

Noqatajrí kuticherqani: Ay, Tukuyta Kamachej Tata Dios, noqaqa ancha waynallaraj kani. Runaj ñawpaqenpi parlaspapis, manaraj sumajta parlayta atinirajchu, nispa.

Jeremías 20:6

Qanrí, Pasjur, tukuy aylluykiwan khuska Babiloniaman apasqa kanki. Chaypi wañunki, chayllapitaj qanta p'ampasonqanku, tukuy kawsaqeykikunatawan, pikunamanchus qan llullakuspa Diospa sut'inchajnin jina sut'incharqanki, chaykunata, nispa.

Jeremías 23:17

Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 37:19

Maypitaj chay sut'inchajniykichej kashanku, pikunachus nerqasunkichej: Babiloniamanta kuraj kamachej mana kay suyuman nitaj llajtaykichejmanpis yaykumonqachu, nispa nejkunari?

Jeremías 4:10

Chantá noqa Jeremías nerqani: Ay, Tukuyta Kamachej Tata Dios, imaraykutaj Jerusalenpi tiyakojkunata q'otiyankiri? Allin kawsayta qosqaykichej, nispa nerqanki. Kunantajrí kunkankupi espada churasqa kashan, nispa.

Jeremías 5:12

Paykuna Tata Diosmanta parlaspa, kay jinata llullakunku: Diosqa mana kanchu. Mana ima mana allin kajpis qhatiriwasunchu, manataj maqanakupis, nitaj yarqhaykunapis kanqachu, nispa.

Jeremías 5:13

Jinallataj Diosmanta sut'inchajkuna qhasi manakaj, wayra jinalla kanku, paykunataj mana Tata Diospa sutinpichu parlanku. Imatachus nisqankoqa paykunaj patankuman urmachun, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 6:14

Aylluypa k'irisqanta tumpallata jampiykurinku. Paykunaqa tukuy imapis allillan kashasqanta ninku. Jinapis manapuni imapis allinchu kashan.

Jeremías 8:11

Aylluypa k'irisqanta tumpallata jampiykurinku. Paykuna ninku: Tukuy ima allillan kashan, nispa. Jinapis manapuni imapis allinchu.

Ezequiel 12:24

Israel ayllu ukhupi mosqoypi jina llullata rikuykuna manaña kanqachu nitaj llullata sut'inchaykunapis.

Ezequiel 13:22

Qankunaqa llullakusqaykichejwan cheqan ruwajkunata llakichinkichej. Noqataj mana munanichu llakisqa kanankuta. Qankunarí sonqochankichej sajra sonqoyojkunata millay purisqankumanta ama t'aqakunankupaj.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

2 Pedro 2:1

Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.