Jeremías 13:27 - DIOSPA QHELQACHISQ

²⁷ Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Qheshwa Biblia DC

²⁷ Qhenchachakuypi purisqasniykita rikuni, chay p'enqayta qhenchachakuypi purisqasniykita, chay millachikuna kajkunata ruwasqasniykita, chay orqospi, jinallataj campospipis. Ay, imachus kanqa qanmanta Jerusalén! Mayk'ajkamataj millay ch'ichi puriykunaspi callenkipuniri?

DIOSPA QHELQACHISQAN DEUTEROCANONICAL

²⁷ Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 13:27 ပူးပေါင်းရင်းမြစ်များ

Salmos 94:4

Tukuy mana allin kajta ruwajkuna runaykachaspa purinku, umata oqharispataj, jatunmanta parlaykachanku.

Salmos 94:8

Unanchaychej, mana yuyayniyoj wampu runakuna. Mayk'ajtaj yuyayniykichejman kutirikunkichejri?

Proverbios 1:22

Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Isaías 57:7

Jatuchaj orqo patapi khuchichakunaykipaj puñunata wakichikamunki. Chaykama wicharinki uywa ñak'asqata q'olachispa jaywanaykipaj.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Jeremías 11:15

Munakusqay Israel imatataj Temploypi mask'an, chay tukuy millay imakunata ruwashaspapisri? Wirata, aychatawan jaywawasqanrayku pay yuyanchu noqa chay jasut'iyta paymanta karunchanayta, ajinamanta mana jasut'isqa kananpaj? nispa.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Ezequiel 16:23

Noqa Tukuyta Kamachej Tata Dios nillanitaj: Ay, qanmanta imarajchu kanqapis? Tukuy millay imakunata ruwasqaykimanta jawaqa,

Ezequiel 2:10

Chantá ñawpaqeypi chay k'uyusqa qhelqa kicharikorqa, puraj ladonpitaj qhelqasqa karqa llakiy yarawikuna, waqaykuna, ayqoykuna, ima.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 24:12

Mankaj akakipasqanqa may jinapuni, ninawanpis manapuni llojsinchu.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Ezequiel 24:6

Tukuyta Kamachej Tata Dios kay jinata nin: Ay, imachus kanqa runa wañuchi llajtamantaqa. Chay llajtaqa millay akakipasqa mankaman rijch'akun, chay akakipasqataj mana mayllay atina. Chantá mankaman churasqaykita orqhoy ujmanta uj, kantumanta mana ajllaspa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 36:37

Tukuyta Kamachej Tata Dios kay jinata nillantaj: Israel aylloqa mañarikuwanqaraj astawan imakunata ruwapunaypaj. Chayrayku runata astawan mirachisaj, ovejakunata jinapuni.

Ezequiel 6:13

Paykuna wañusqakunata rikonqanku altarkunaj muyuyninpi, lantikunaj chawpinpi, chantá orqo patapi, lomaj kinrayninkunapi ima. Wañusqakunata rikullanqankutaj thansarara sach'akuna urapi, chantá maypichus tukuy lantikunaman inciensota q'oshñicherqanku, chay cheqakunapipis. Maypachachus wañusqakunata rikonqanku, chaypacharaj noqa Tata Dios kasqayta yachanqanku.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 4:2

Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Oseas 8:5

Samariapi tiyakojkuna, torillo lantita yupaychasqaykichejta millachikuni. Phiñakuyniy k'ajarin contraykichejpi. Israelitakuna, mayk'ajkamataj juchayojllapuni kankichejri?

Sofonías 3:1

Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

San Mateo 11:21

Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.