Jeremías 13:24 - DIOSPA QHELQACHISQ

²⁴ Chayraykumin qankunata ch'eqerachisqaykichej, imaynatachus ch'innejmanta wayra pajata apakapun, ajinata.

Qheshwa Biblia DC

²⁴ Chayraykumin qankunataqa ch'eqerachisqaykichej, ch'in pampaspi ichhusta wayra apan ajinata.

DIOSPA QHELQACHISQAN DEUTEROCANONICAL

²⁴ Chayraykumin qankunata ch'eqerachisqaykichej, imaynatachus ch'innejmanta wayra pajata apakapun, ajinata.

Jeremías 13:24 ပူးပေါင်းရင်းမြစ်များ

Salmos 1:4

Dioswan churanakojkunawanrí mana jinachu kanqa. Paykuna wayraj apasqan q'opa jina kanku.

Isaías 17:13

Chaywanpis Tata Dios paykunata k'amejtinkama, karuman ayqerikaponqanku, orqopi wayraj apaykachasqan q'opa jina, chayrí imaynatachus muyoj wayra sach'ata ujllata oqharin, ajinata.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Jeremías 18:17

Noqaqa inti llojsimuynejmanta ch'aki wayra jina aylluyta awqankoj ñawpaqenkupi ch'eqerachisaj. Noqa paykunaman wasallayta rikuchisaj, manataj qhawarisajchu, maypachachus ñak'arinanku p'unchay chayamonqa, chaypacha, nispa.

Jeremías 9:16

16 (15) Paykunata ñawpa tatankoj, nitaj paykunaj mana rejsisqanku suyukunaman ch'eqerachisaj. Chaypitaj paykunata espadawan qhatiykachachisaj, ni uj puchuyoj tukuchisqa kanankukama, nispa.

Lamentaciones 1:15

Tukuyta Kamachej Diosqa jark'akuwaj wapu soldadoykunata wijch'un. Ashkha soldadotataj kachaykamuwan, wapu soldadoykunata wañurachinankupaj. Tukuyta Kamachej Diosqa uvatapis sarushanman jina, mana qharita rejsej sipasta jina Judá suyuta sarurparin.

Ezequiel 17:21

Maqanakupi wapu soldadonkuna wañurachisqa kanqanku, chaykunamanta kawsashaj puchojkunataj tawantin ladoman ch'eqerachisqa kanqanku. Chaypacha noqa Tata Dios ajinata parlasqayta yachankichej.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 5:2

Maypichus Jerusalén llajtaman rijch'akojta dibujarqanki, chay llajtata jap'inapaj muyuykuna junt'akojtin, kinsaman t'aqasqa chujchaykimanta ujnin t'aqata llajta chawpipi ruphachinki. Chantá chay kinsaman t'aqamanta ujnin t'aqa chujchaykita llajtaj muyuyninpi espadawan k'uturanki. Uj kaj t'aqa chujchaykitataj wayrawan apachinki, imaraykuchus noqaqa judiokunaj qhepankuta espada oqharisqa risaj.

Ezequiel 6:8

Chaywanpis noqa saqesaj paykuna ukhumanta wakinkuna mana wañunankuta, astawanpis kawsanankuta waj suyukunaman ch'eqerasqa kaspa.

Oseas 13:3

Chayrayku paykuna sut'iyaymanta chinkapoj phuyu jina kanqanku, chayrí imaynatachus tuta tutamanta chhulla chinkapun, ajina. Wayralla apakapoj paja jina kanqanku, imaynatachus q'oshñi chinkapun, ajinallatataj chinkaponqanku.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Sofonías 2:2

manaraj uj p'unchayllapi wayrachisqa paja jina chinkachisqa kashajtiykichej, manaraj Tata Diospa sinch'i phiñakuynin pataykichejman urmashajtin. Wakichikuychej, manaraj Tata Diospa k'araj phiñakuyninpa p'unchaynin chayamushajtin.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.

Deuteronomio 32:26

Noqa tiluspa nerqani, tukuynejman paykunata ch'eqerachinayta, kay jallp'a patamantataj sutinkuta chinkachinayta.

Deuteronomio 4:27

Tata Diosqa waj suyukunaman ch'eqerachisonqachej, chay jallp'apitaj pisillaña qhepakunkichej.