Jeremías 13:17 - DIOSPA QHELQACHISQ

¹⁷ Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Qheshwa Biblia DC

¹⁷ Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

DIOSPA QHELQACHISQAN DEUTEROCANONICAL

¹⁷ Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 13:17 ပူးပေါင်းရင်းမြစ်များ

Salmos 119:136

Kamachisqaykita wakin mana kasusqankurayku, paran paranta waqani.

Salmos 80:1

1 (2) Israelta michej Dios, uywariwayku. Qanqa José aylluta ovejata jina pusaykachanki, kamachinayki tiyanataj querubinkunaj chawpinkupi kashan.

Isaías 63:11

Chantá Moisespa tiemponmanta yuyarikorqanku, nerqankutaj: Maytaj kunan chay Dios, pichus Moiseswan ovejakunata jina michispa mama qochata chimpacherqa, chayri? Maytaj kunan pichus May Llimphu Espiritunta israelitakunaj chawpinkuman churarqa, chayri?

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 15:17

Pikunachus raymillapi purinku, chaykunawanqa mana khuskachakorqanichu, nitaj kusikorqanichu. Qan noqata ajllakuwasqaykimantapacha sapallayña karqani, imaraykuchus noqapis qan jina juchata chejnikullanitaj.

Jeremías 17:16

Chaywanpis, noqaqa mana tanqarqaykichu, nitaj mañarqanichu ñak'ariykunawan jasut'inaykita. Tukuy ima nisqayta qan yachanki, imaraykuchus qan uyarishajtiyki parlarqani.

Jeremías 22:5

Sitajchus kay kamachisqayta mana kasunkichejchu chayrí, kay kamachina wasikunatapis raqayllaman tukuchisaj. Noqa Tata Diosmin chayta nini.

Jeremías 23:1

Tata Dios nin: Ay, michejkuna imapichus tukukonqanku, pikunachus ovejaykunata ch'eqerachinku, chinkachinkutaj, chaykuna, nispa.

Jeremías 23:2

Chayrayku Israelpa Tata Diosnin nillantaj: Aylluyta michejkuna, qankunaqa ovejaykunata ch'eqeracherqankichej, ayqeracherqankichejtaj, manataj allintachu qhawarqankichej. Chayrayku noqapis millayta ruwasqaykichejmanta jasut'isqaykichej. Noqa Tata Diosmin chayta nini.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Lamentaciones 2:18

K'achitu Sión llajta, Tata Dios yanapasunanta mañakuy. Tuta p'unchay waqaspa, waqayniykita mayu yakuta jina purichiy. Mana samarispa, nitaj sayk'uspa waqallaypuni ari.

Lamentaciones 3:48

Ñawiymanta waqayqa mayu yaku jina puririn, munasqa llajtay thuñisqa kasqanmanta.

Ezequiel 24:16

Runaj churin, noqaqa munasqa warmiykita kaymanta jinalla qhechusqayki. Qantajrí ama llakisqa kasqaykimanta yachayta qonkichu, nitaj waqankichu, nillataj waqayniykipis ñawiykimanta suruchunchu.

Ezequiel 34:31

Qankunaqa ovejaykuna kankichej, sumaj pastoyoj jallp'api kaj tropa ovejaykuna, noqataj Diosniykichej kani. Noqa Tukuyta Kamachej Tata Dios chayta nini.

Ezequiel 36:38

Imaynatachus jatuchaj raymikunapi jaywanapaj Jerusalenman ashkha ovejata apanku, ajinata runakunapis may ashkhapuni kanqanku. Ch'inyachisqa karqa, chay llajtakunaman ashkha runakuna junt'aykonqanku. Chaypachataj paykuna yachanqanku noqa Tata Dios kasqayta, nispa.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Samuel 15:35

Chantá Samuelqa manaña ujtawan Saulta rikorqachu. Mayta llakikuspa, Saulmanta waqarqa. Tata Diospis Israel suyupi kuraj kamachej kananpaj Saulta churasqanmanta sinch'ita llakikorqa.