Jeremías 13:16 - DIOSPA QHELQACHISQ

¹⁶ Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Qheshwa Biblia DC

¹⁶ Señor Diosniykichejta yupaychaychej, manaraj pay laqhayayta apachimushajtin, manaraj laqhayaj orqopi misk'akushajtiykichej, Manaraj laqhayayman tukuchishajtin, Manchay suyasqaykichej chay k'anchay manaraj tukukapushajtin.

DIOSPA QHELQACHISQAN DEUTEROCANONICAL

¹⁶ Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 13:16 ပူးပေါင်းရင်းမြစ်များ

Job 3:5

Chay p'unchayta tuti laqha p'ampaykuchun, chayrí laqhayarishaj yana phuyu qhataykuchun, chayrí inti onqospa, manchaykuchichun.

Salmos 107:10

Wakenqa tuti laqhapi kawsasharqanku. Llakiymanta preso jina, cadenawan watasqataj karqanku.

Salmos 107:14

Chay ukhu laqhamanta paykunata orqhorqa, cadenawan watasqa kasqankuta p'itispataj, paykunata kacharicherqa.

Salmos 29:2

Tata Diospa manchay uyarisqa sutinta jatunchaychej, Tata Diosta paypaj ajllakusqan wasinpi yupaychaychej.

Salmos 44:19

19 (20) Qanrí, maypichus k'ita alqokuna kanku, chaypi saqerpariwarqayku, mancharina laqhayaykuywantaj qhataykuwarqayku.

Éxodo 10:21

Chantá Tata Dios Moisesta nillarqataj: Janajman makiykita oqhariy, tukuy Egiptopi manchay tuti laqha kananpaj, nispa.

Proverbios 4:19

Mana allinta purejkunaj ñanninkurí laqhalla, manataj yachankuchu imapichus misk'asqankuta.

Eclesiastés 11:8

Runaqa unaytapis kawsachun, kawsanankama may jinatapis kusikuchun, mana allin p'unchaykuna chayamunanta yuyarinan tiyan. Chay tukuy ima qhepanejman imachus jamojqa, chaykunapis qhasi manakajlla.

Isaías 5:30

Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Isaías 59:10

Ñawsa jina perqata llojchispa purinchej, mana ñawiyojpis kasunman jina. P'unchaypacha tutapis kanman jina misk'akunchej. Kallpanchejpiraj kashaspapis, wañusqa jina kashanchej.

Isaías 59:9

Chayrayku, justiciaqa noqanchejmanta chinkarin, manataj cheqan kayqa taripawanchejchu. K'anchayta suyanchej, chaywanpis laqhalla tiyan. Sut'iyamunanta suyaspapis, laqhallapipuni purinchej.

Isaías 60:2

Laqhayayqa kay pachata qhataykun, tuti laqhayaytaj suyukunata p'ampaykun. Chaywanpis Tata Diospa k'anchaynenqa pataykipi kanqa, jatun kayninpa lliphipiynintaj rikhurimusonqa.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Jeremías 14:19

Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 23:12

Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

Jeremías 4:23

Kay pachata qhawarqani, ch'inpachatataj rikorqani, mana allin rijch'ayniyojtataj. Janajta qhawarerqani, manataj k'anchayta rikorqanichu.

Jeremías 50:6

Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Jeremías 6:21

Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

Jeremías 8:15

Allin rinawanchejta suyarqanchej, manataj ima allinpis chayamuwarqanchejchu. Qhalilla kawsakuyta suyarqanchej, manchariyllatataj rikunchej.

Lamentaciones 4:17

Yanapanawaykuta suyaspa qhawasqaykupi ñawiykupis chharpuyawaykuña. Chaywanpis suyashayku mana pitapis kacharichiyta atej suyu yanapanawaykuta.

Ezequiel 21:15

15 (20) Chay espadaqa ashkha runata manchachenqa, ashkhatataj wañurachenqa. Tukuy wasi punkupi wañuchej espadata churani. Espadaqa sumaj llosq'ochasqa illapakunata kacharinanpaj, jinataj wañurachinapaj wakichisqa kashan.

Ezequiel 34:12

Imaynatachus ovejakunata michej ch'eqerasqa ovejankunata tantaykuspa michin, ajinata noqapis ovejaykunata michisaj. Maykunamanchus phuyusqa laqha p'unchaypi ch'eqerarqanku, chaykunamanta paykunata tarikampusaj.

Ezequiel 36:15

Chantá manaña waj llajtayojkunaj turiyasqankuta uyarinkichejñachu. Manallataj p'enqayta alqochakusqanku qankunapaj kanqachu, nillataj aylluykichejpaj misk'ana kankichejchu. Noqa Tukuyta Kamachej Tata Dios chayta nini.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Amós 4:13

Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.

Amós 5:18

Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

San Juan 12:35

Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

1 Samuel 6:5

Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.