Jeremías 13:10 - DIOSPA QHELQACHISQ

¹⁰ Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Qheshwa Biblia DC

¹⁰ Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

DIOSPA QHELQACHISQAN DEUTEROCANONICAL

¹⁰ Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 13:10 ပူးပေါင်းရင်းမြစ်များ

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Isaías 3:24

Chaypacha ima munayta q'apaj jawinaj cuentanmanta millay asnaylla kanqa. Chumpiwan watakunankumantaqa waskhallawan watakonqanku, sumaj simp'asqa kanankumantaqa q'ara umalla purenqanku. Chantá sumaj p'achata churakunankumantaqa qhashqa p'achallata churakonqanku, k'achita kanankumantaqa millayman tukonqanku.

Jeremías 11:10

Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Jeremías 11:18

Chantá Tata Dios willawarqa awqaykuna contraypi mana allinta ruwanankupaj wakichikushasqankuta. Paytaj ñawiyta kichariwarqa chayta reparanaypaj.

Jeremías 13:7

Chantá Éufrates mayuman rispa, mask'arqani maypichus chumpita pakaykorqani, chaynejta. Chay chumpitaj allin ismusqaña kasqa, manañataj ni imapaj walejchu.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 20:4

Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 23:17

Noqaj willasqayta pisipaj qhawajkunaman nillankupuni: Tukuy ima allillan risonqachej, nispa. Chantá pikunachus rumi sonqoyoj kaspa, millay yuyasqanman jinalla ruwanku, chaykunatapis ninku: Mana ima mana allin kajpis jamusonqachejchu, nispa.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 44:5

Paykunatajrí nisqayta mana ruwarqankuchu, nitaj kasuwarqankuchu. Millay ruwanankuta saqenankutaqa, inciensota waj dioskunaman q'oshñichillarqankupuni.

Jeremías 5:23

Qankunaj sonqoykichejrí ancha rumiyasqa, mana kasukojtaj. Noqata saqerpayawaspa, riporqankichej.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Jeremías 9:13

13 (12) Tata Diostaj kuticherqa: Kay llakiykuna paykunata qhatirin, imaraykuchus kamachisqayta saqerpayaspa, mana kasuwarqankuchu, nitaj nisqayta ruwaspa junt'arqankuchu.

Jeremías 9:14

14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Números 14:11

Chantá Tata Dios Moisesta nerqa: Mayk'ajkamataj kay runakuna noqata pisipaj qhawawanqankuri? Paykunaj rikunankuta t'ukuna imakunata ruwashajtiypis, mayk'ajkamataj mana noqapi atinikuyta munanqankuchuri?

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?