Jeremías 12:4 - DIOSPA QHELQACHISQ

⁴ Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Qheshwa Biblia DC

⁴ Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

DIOSPA QHELQACHISQAN DEUTEROCANONICAL

⁴ Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 12:4 ပူးပေါင်းရင်းမြစ်များ

Salmos 107:34

Sumaj jallp'atapis t'ajra pampaman tukucherqa, chaypi tiyakojkuna millayta ruwasqankurayku.

Salmos 50:21

Chayta qan ruwashajtiyki, noqa ch'inlla karqani. Ichapis chayrayku qan yuyarqanki noqa qan jina kasqayta. Kunanrí noqa uyanchasqayki, millayta ruwasqaykimantataj cuentata mañasqayki.

Isaías 24:4

Jallp'aqa ch'akipun, chaypi kajtaj qawishan. Kay pacha onqospa umphushan. Kay pachapi jatunpaj qhawasqa runakunapis ñak'arishallankutaj.

Isaías 24:6

Chayrayku maldicionqa kay pachata tukuchin, chaypi tiyakojkunapis juchachasqapuni kananku tiyan. Chaynejta kay pachapi tiyakojkunaqa pisiyachisqa kanqanku. Jinamanta pisillaña qhepakonqanku.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Jeremías 14:2

Judaqa llakiywan waqan, tukuy llajtankunataj llakiypi kashanku. Runankunapis pampapi tiyasqa waqashanku. Jerusalenmantataj sinch'i nanaywan qhaparisqanku uyarikun.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 4:25

Qhawarerqani, manataj ni uj runallatapis rikorqanichu. Tukuy p'isqokunapis ayqespa, phawarikapusqanku.

Jeremías 4:28

Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Jeremías 5:13

Jinallataj Diosmanta sut'inchajkuna qhasi manakaj, wayra jinalla kanku, paykunataj mana Tata Diospa sutinpichu parlanku. Imatachus nisqankoqa paykunaj patankuman urmachun, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Jeremías 9:9

9 (8) Manachu kay millayta ruwasqankumanta paykunata jasut'iymanri? Manachu ajinata ruwaj suyumanqa ruwasqanman jina qopuymanri? Ajinata noqa Tata Dios nini.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Joel 1:18

Uywapis khuyayta waqarashan. Wakakunapis qhasillata pastota mask'ashanku, ovejakunataj tropantin yarqhaymanta wañurapushanku.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Habacuc 3:17

Chaypachamari kusiywan junt'a kasaj kacharichiwajniy Tata Diosrayku. Amapis higo sach'akuna t'ikachunkuchu, nitaj uva sach'apis poqochunchu nitaj olivokunapis, nillataj chajrapis poqochunkuchu. Tropamanta ovejakunapis tukukapuchunku, amañapis wakakuna kachunkuchu. Chay tukuywanpis Tata Diosta yupaychallasajpuni, qhespichiwajniy Diosraykutaj kusikusaj.

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

Romanos 8:22

Yachanchej jina, kunankama Diospa tukuy ruwasqan ñak'arispa ayqoshan, onqokoj warmi jina.