Jeremías 12:17 - DIOSPA QHELQACHISQ

¹⁷ Chaywanpis sichus mayqen suyu mana uyarikoj kanman chayqa, chay suyuta saphinmanta t'iraytawan, chinkachisaj, nispa. Ajinata noqa Tata Dios nini.

Qheshwa Biblia DC

¹⁷ Chaywampis, mana kasukoj naciontaqa saphinmanta t'iraytawan chinkachisaj. Noqa Señor chaytaqa nini.

DIOSPA QHELQACHISQAN DEUTEROCANONICAL

¹⁷ Chaywanpis sichus mayqen suyu mana uyarikoj kanman chayqa, chay suyuta saphinmanta t'iraytawan, chinkachisaj, nispa. Ajinata noqa Tata Dios nini.

Jeremías 12:17 ပူးပေါင်းရင်းမြစ်များ

Isaías 41:11

Chantá qanta tukuy chejnisojkunaqa p'enqachisqa, k'umuykuchisqataj kanqanku. Qanwan maqanakojkunaqa manapis kankumanchu jina wañuchisqa kanqanku.

Isaías 60:12

Mayqen suyuchá, chayrí ima llajtachá munasqaykita ruwayta mana munajqa chinkachisqa, ch'inyachisqataj kanqa.

Jeremías 18:7

Mayk'ajllapis munaspa uj suyuta, manachayqa kamachiytapis t'irayta atiyman, chantapis urmachiyta, chayrí phiriyta.

Jeremías 31:28

Noqa kikiy paykunata t'irarqani, urmacherqani, atiparqanitaj, phirerqanitaj, chantá ima llakiytapis paykunaman kachaykamorqani. Ajinallatataj allinta ruwasaj paykunata sayarichinaypaj, mallkinaypaj ima. Noqa Tata Diosmin chayta nini.

Ezequiel 19:12

Chaywanpis phiñakuywan sik'isqa kasqa, pampamantaj wijch'usqa. Inti llojsimuynejmanta wayra wayramuspa, poqoyninta ch'akirparichisqa. Thansan ch'akirapojtintaj, ninaman enqhaykusqanku.

Daniel (hebreo) 11:4

Chaywanpis suyun sumaj sayachisqaña kajtenqa, thuñisqa kanqa, chaymantataj tawaman t'aqasqa kanqa. Chay kuraj kamachejpa atiynenqa mana mirayninmanchu qosqa kanqa, nillataj suyunpis ñawpajta jina chhika atiyniyojchu kanqa, imaraykuchus t'aqasqaña kanqa, paypa cuentanmantataj wajkuna kamachenqanku.

Miqueas 5:14

14 (13) T'irallasajtaj yupaychana sach'aykikunata, llajtaykikunatataj tukuyninta phirisaj.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

San Lucas 19:27

Jinallatataj, jaqay awqaykuna, pikunachus mana kuraj kamachej kanayta munarqankuchu, chaykunata kayman apamuspa, ñawpaqeypi wañurachiychej, nispa. Ajinata Jesús chay rijch'anachinata nerqa.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.