Jeremías 12:16 - DIOSPA QHELQACHISQ

¹⁶ Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Qheshwa Biblia DC

¹⁶ Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

DIOSPA QHELQACHISQAN DEUTEROCANONICAL

¹⁶ Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 12:16 ပူးပေါင်းရင်းမြစ်များ

TAKIYKUNA 1:8

K'achita warmikunamanta aswan k'achita warmi, manachus maypi kasqanta yachanki chayqa, ovejakunaj lastronkuta qhawarispa rillay. Cabritaykikunata michimuy, michejkunaj ch'ujllanku, chaynejpi.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Isaías 45:23

Noqaj kawsayniyrayku tiluni, simiytaj cheqanta parlan. Kay nisqayqa junt'akonqapuni. Chaytaj kay jina kanqa: Noqaman tukuy runakuna qonqorikuwanqanku, sutiypitaj tilonqanku.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 18:8

Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Jeremías 5:7

Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Romanos 11:17

Wakin judiokuna olivo sach'aj thansan jina k'uturasqa karqanku. Qantaj k'ita olivo kashaspa, chay k'uturasqaman t'inkisqa karqanki, chaynejta sumaj olivoj saphinmanta waqayninwan chay waj judiokunawan khuska kallpachasqa kanaykipaj.

Romanos 14:11

Diospa Qhelqachisqanpi nin: Tukuyta Kamachej Dios nin: Kawsayniyrayku tiluni: Tukuy runakuna ñawpaqeypi qonqorikonqanku, tukuytaj Diospuni kasqayta rimarenqanku, nispa.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Rut 3:13

Kunan ch'isi kaypi qhepakuy. Q'ayataj noqa chay runawan chaymanta parlarimusaj. Sichus pay munanqa qaylla ayllu jina preciota pagaspa kacharichisuyta chayqa, allinmin kanqa. Manachus chayta ruwayta munanman chayrí, Tata Diospa uyarinanta kayta niyki: Noqapuni kacharichisqayki, nispa. Kunanrí sut'iyamunankama kaypi puñukullay ari, nispa.