Jeremías 12:15 - DIOSPA QHELQACHISQ

¹⁵ Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Qheshwa Biblia DC

¹⁵ Jinapis, wijch'uytawankamaqa paykunamanta khuyakullasajtaj wasisninkuman kutichimuspa, kikin jallp'ankuman.

DIOSPA QHELQACHISQAN DEUTEROCANONICAL

¹⁵ Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 12:15 ပူးပေါင်းရင်းမြစ်များ

Jeremías 16:15

Manachayqa ajinata tilunkichej: Tata Diospa sutinpi tiluni, pichus israelitakunata wichay suyumanta orqhomorqa, jinataj maymanchus ch'eqerachisqa karqanku, chay suyumantapis, chaypa sutinrayku, nispa. Ajinata ninkichej, imaraykuchus noqa kutichimusqaykichej, ñawpa tataykichejkunaman qorqani, chay suyuman.

Jeremías 24:6

Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 48:47

Chaywanpis qhepanejman noqaqa Moabta imaynachus ñawpata karqa, ajinaman kutichisaj. Noqa Tata Diosmin chayta nini. Kaykama kashan Moab jasut'isqa kananmanta Jeremiaspa willasqanqa.

Jeremías 49:39

Chaywanpis aswan qhepaman noqaqa ñawpa tiempopi kasqankuman jina paykunata Elamman kutichisaj. Noqa Tata Diosmin chayta nini.

Jeremías 49:6

Chaymanta qhepamanrí noqaqa amonitakunata apasqa kasqankumanta kutichimusaj. Noqa Tata Diosmin chayta nini.

Daniel (hebreo) 11:4

Chaywanpis suyun sumaj sayachisqaña kajtenqa, thuñisqa kanqa, chaymantataj tawaman t'aqasqa kanqa. Chay kuraj kamachejpa atiynenqa mana mirayninmanchu qosqa kanqa, nillataj suyunpis ñawpajta jina chhika atiyniyojchu kanqa, imaraykuchus t'aqasqaña kanqa, paypa cuentanmantataj wajkuna kamachenqanku.

Amós 9:14

Chantá karu suyukunaman mana munashajta apasqa kasqanmanta Israel aylluyta pusakampusaj. Paykuna thuñisqa llajtankukunata watej sayarichenqanku, chaypitaj tiyakonqanku. Watej uva sach'akunata mallkenqanku, vinotataj ujyanqanku. Huertakunatapis ruwanqanku, poqojtataj mikhonqanku.

Números 32:18

Noqaykurí sapa uj israelita jap'inan kashan, chay jallp'ata jap'ejtinkuraj, wasiykuman kutimpusqayku.

Hechos 15:16

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Deuteronomio 3:20

Qankunarí wawqeykichejkunawan khuska rinaykichej tiyan, Tata Diosniykichej Jordán mayu chimpapi, qankunaman jina paykunaman jallp'ata qonankama. Chaymantaraj qankunaqa, qoykichej kay jallp'aman kutimpunkichej, nispa.

Deuteronomio 30:3

chaypacha Tata Diosniykichejqa karu llajtamanta kutichimusonqachej, khuyakusonqachejtaj. Ujtawantaj maykunamanchus wijch'usorqachej, chaymanta tantamusonqachej.