Jeremías 12:12 - DIOSPA QHELQACHISQ

¹² Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Qheshwa Biblia DC

¹² Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

DIOSPA QHELQACHISQAN DEUTEROCANONICAL

¹² Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Jeremías 12:12 ပူးပေါင်းရင်းမြစ်များ

Isaías 34:6

Tata Diospa espadanqa sumaj yawarchasqa, wirawan qhoshqorishajtaj kashan. Chayqa ovejakunaj, cabrakunajpata yawarninku, chay wirataj carnerokunaj lurunninpa wiran. Tata Diosqa uywa ñak'asqa jaywanakunata Bosra llajtapi ruwan, Edom suyupitaj may chhika runakunata wañurachin.

Isaías 57:21

Millayta ruwajkunapaj manallataj allin kawsay kanchu. Ajinata Tata Diosniy nin.

Jeremías 15:2

Sichus tapusunkuman: Maymantaj risqaykuri? nispa chayqa, paykunaman niy: Ajinata Tata Dios nin: Millay onqoywan wañunanku kajkunaqa chay onqoywan wañuchunku. Maqanakupi wañunanku kajkunataj maqanakupi wañuchisqa kachunku. Chantá yarqhaywan wañunanku kajkuna yarqhaywan wañuchunku. Jinallataj llajtankumanta waj suyuman apasqa kananku kashan, chaykunaqa apasqapuni kachunku, nispa.

Jeremías 16:5

Tata Dios nillawarqataj: Ama wañuyniyojpa wasinman yaykuychu. Amataj waqaychu, nitaj wañusqayojkunata sonqochaychu, imaraykuchus kay aylluymanta saminchayniyta oqharikapuniña, munakuyniyta, chantá khuyakuyniyta ima. Ajinata noqa Tata Dios nini.

Jeremías 25:11

Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 3:2

Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Jeremías 3:21

Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Jeremías 30:5

Tata Dios nin: Runakunata manchachikuywan qhaparishajta uyarini. Sinch'i manchachikuy tiyan, manataj allin kawsay kanchu.

Jeremías 34:17

Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 46:10

Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

Jeremías 47:6

Ay, Tata Diospa espadan, mayk'ajllañataj samarikunkiri? Jallch'anaykiman kutiykapuspa, samarillayña.

Jeremías 48:2

Moab suyoj runaykachaynin tukukonqa, imaraykuchus Jesbón llajtapi awqankuna umachakuspa, wakichikunku Moabta imaynamantachus chinkarparichinankupaj. Qan, Madmena, phirisqallataj kanki, maqanakupis qhepallaykitapuni jamonqa.

Jeremías 8:15

Allin rinawanchejta suyarqanchej, manataj ima allinpis chayamuwarqanchejchu. Qhalilla kawsakuyta suyarqanchej, manchariyllatataj rikunchej.

Lamentaciones 3:17

Sonqo tiyaykusqa kayqa noqamanta karunchakun, kusiy kawsaytapis manaña tarinichu.

Ezequiel 14:17

Ichapis chay suyuman maqanakuyta kachaykuyman, jinataj kamachiyman runakuna, jinallataj uywakunapis wañurachisqa kanankuta.

Ezequiel 21:28

28 (33) Qanrí, runaj churin, sut'inchaspa niy: Tukuyta Kamachej Tata Diosqa amonitakuna alqochakusqankumanta nin: Espadaqa amonitakunata wañurachinanpaj orqhosqaña, llosq'ochasqataj kashan t'unaykunanpaj.

Ezequiel 21:4

4 (9) Arí, juchayojta, mana juchayojta wichaynejmantapacha uraynejkama, ujllapi tukuyninta wañurachinaypaj espadayta jallch'ananmanta orqhosaj.

Ezequiel 21:8

8 (13) Noqa Tata Dios ajinata nini:

Ezequiel 21:9

9 (14) Runaj churin, imachus chayamunanmanta sut'inchay. Noqa Tata Dios ajinata kamachisusqayta niy: Espadayqa filochasqaña, lliphipirishantaj.

Ezequiel 5:2

Maypichus Jerusalén llajtaman rijch'akojta dibujarqanki, chay llajtata jap'inapaj muyuykuna junt'akojtin, kinsaman t'aqasqa chujchaykimanta ujnin t'aqata llajta chawpipi ruphachinki. Chantá chay kinsaman t'aqamanta ujnin t'aqa chujchaykita llajtaj muyuyninpi espadawan k'uturanki. Uj kaj t'aqa chujchaykitataj wayrawan apachinki, imaraykuchus noqaqa judiokunaj qhepankuta espada oqharisqa risaj.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Amós 9:4

Awqankukuna paykunata mana munashajta waj suyuman apanqanku chaypis, chaypipis espadawan wañuchinankuta kamachillasajtaj. Paykunataqa ñawillaypi purichisaj, mana allinninkupajchu, manachayqa llakiyninkupaj, nispa.

Sofonías 2:12

Ajinallataj qankunapis, Etiopiamanta kajkuna, Tata Diospa espadanwan wañuchisqa kankichej.

Deuteronomio 32:42

Flechaykunata yawarman chhapusaj, espadaytaj paykunata wañuchispa, tukuchenqa. K'irinchasqakunaj, chantá jap'isqakunaj yawarninkuwan ima chhapusaj, chujchasapa awqaykunata kamachejkunaj yawarninkuwan ima, nispa.

Apocalipsis 6:4

Chantá uj puka caballota llojsimojta rikorqani. Chay caballopi lloq'asqa kajmantaj jatun espadata qorqanku, jinataj atiyta ima kay pachamanta allillanta kawsakuyta qhechunanpaj. Chayrayku kay pachapi tukuynejpi maqanaku chantá wañuchinaku ima karqa.