Jeremías 12:1 - DIOSPA QHELQACHISQ

¹ Tata Dios, qanwan churanakuyta mana atiymanchu, imajtinchus qanqa cheqanta ruwaj kanki. Chaywanpis kayta tapurisuyta munayman: Imaraykutaj millay ruwajkunata tukuy imapi allin rinri? Imaraykutaj wasanchajkunapis mana imamanta llakikuspa kawsakunkuri?

Qheshwa Biblia DC

¹ Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

DIOSPA QHELQACHISQAN DEUTEROCANONICAL

¹ Tata Dios, qanwan churanakuyta mana atiymanchu, imajtinchus qanqa cheqanta ruwaj kanki. Chaywanpis kayta tapurisuyta munayman: Imaraykutaj millay ruwajkunata tukuy imapi allin rinri? Imaraykutaj wasanchajkunapis mana imamanta llakikuspa kawsakunkuri?

Jeremías 12:1 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Nehemías 9:33

Mana qanchu juchayoj kanki chay llakiykuna qhatiriwasqaykumanta, imaraykuchus qanqa cheqan sonqowan imatapis ruwapuwayku, noqaykutajrí sajra kajllata ruwayku.

Job 12:6

Suwakunaqa wasinkupi allinpi kawsakunku, Diosta phiñachejkunapis ni imamanta manchachikuspa tiyakullankutaj, Diosta makinkupi apaykachasqankuta yuyaspa.

Job 13:3

Chaywanpis Tukuy Atiyniyoj Dioswan parlayta munani, Tata Dioswan noqamanta parlariyta munani.

Job 24:12

Llajtapi wañuy patapi kajkunaj ayqosqanku uyarikun, wañuy patapi kajkunataj sonqo nanayta qhaparishanku. Diostajrí mañakusqankuta mana uyarinchu.

Job 24:23

Diosqa ni imamanta manchachikuspa kawsanankuta saqellan. Chaywanpis ñawillanpi purichin.

Job 8:17

Saphinkoqa qaqa ukhuman chinkaykun, rumimantaj ch'ipaykukunku.

Salmos 116:5

Tata Diosqa cheqanpuni, khuyakojtaj. Diosninchejqa wawayaj sonqoyojmin.

Salmos 119:137

Tata Dios, qanqa cheqanmin kanki, kamachisqaykipis cheqallantaj.

Salmos 119:75

Tata Dios, kamachisqayki cheqan kasqanta yachani, cheqan ñanman churawayta munaspa allinta ruwarqanki.

Salmos 145:17

Tata Dios tukuy imata cheqanta ruwan, chay ruwasqantaj k'acha sonqowan ruwasqa.

Salmos 37:1

(1b) Millayta ruwajkunamanta ama phiñakuychu, nillataj mana allinta ruwaspa purejkunamantapis envidiakuychu.

Salmos 37:35

Millayta ruwaj runata rikuni, sumaj jallp'api sach'a jina t'ikarishajta.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Salmos 92:7

7 (8) Diosta mana jatun respetowan qhawajkuna qhora jina wiñanku, tukuy mana allinta ruwajkunataj t'ika jina phancharinku, wiñaypaj chinkachisqa kanallankupaj.

Proverbios 1:32

Mana yachayniyojkunataqa pantasqallankutaj wañuchenqa. Wampu runataqa mana allinta qhawakuspa, purisqallantaj chinkachenqa.

Eclesiastés 8:14

Kay pachapi yanqha manakaj imakuna kallantaj: Allinta ruwaj runata manapis cheqantachu ruwanman jina mana allinchu rin. Mana allinta ruwaj runatarí, cheqantapis ruwanman jina allin rin. Chaymantapis noqa nini qhasi manakajlla kasqanta.

Isaías 41:21

Jacobpa kuraj kamachejnin Tata Dios nillantaj: Tukuy suyoj diosninkukuna, imatachus parlarinaykichejta rimariychej. Imatachus ruwayta atisqaykichejta rikuchiychej.

Isaías 48:8

Arí, chay nisqaytaqa mana jayk'ajpis uyarerqankichejchu, nitaj rejserqankichejchu. Cheqapuni ñawpajtaqa mana uyariyta munajchu kankichej. Noqaqa wasanchanawaykichejta yacharqaniña, imaraykuchus paqarikusqaykichejmantapacha mana kasukoj kankichej.

Jeremías 11:20

Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

Jeremías 12:6

Kikin wawqeykillamantataj wasanchasunku, qhepaykimantataj phiñasqa rimakusunku. Ama paykunapi atinikuychu, misk'ita parlashasojtinkupis, nispa.

Jeremías 3:20

Chaywanpis qankunaqa, imaynatachus uj warmi qosanta wasanchan, ajinata wasanchawarqankichej. Noqa Tata Diosmin chayta nini.

Jeremías 3:7

Noqa yuyarqani chay tukuy imata ruwaytawan, watej noqaman kutimpunawanta, manataj kutimpuwarqachu. Chay ruwasqanta mana kasukoj ñañan Judapis rikullarqataj.

Jeremías 32:16

Neriaspa churin Barucman rantisqaymanta papelkunata jaywaytawankama, kay jinata Tata Diosta nerqani:

Jeremías 5:11

Israelitakuna wasanchawanku. Ajinata Tata Dios nin.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Ezequiel 18:25

Qankunarí niwankichej: Tukuyta Kamachej Diospa ruwasqanqa mana cheqanchu, nispa. Israel ayllu, uyariway: Noqaqa manachu cheqanta ruwashani? Aswanpis, manachu qankuna mana allinta ruwaj kankichej?

Daniel (hebreo) 9:14

Chayraykumá, qan Tata Dios, kay jasut'ita wakichispa, pataykuman apachimuwarqayku. Tata Diosniyku, qanmin tukuy ima ruwasqaykipi cheqan kanki, noqaykutajrí niwasqaykuta mana uyarisuyta munarqaykuchu.

Daniel (hebreo) 9:7

Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

Oseas 6:7

Chaywanpis aylloyqa Adán jinallataj trato ruwasqayta p'akinku, wasanchawankutaj.

Habacuc 1:4

Mana kamachisqaykiman jinachu imatapis ruwanku, nitaj pipajpis justicia kanchu. Millay runakunaqa cheqan runakunata qhatiykachanku, ajinamantataj justiciata q'ewinku.

Sofonías 3:5

Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

Malaquías 2:17

Tata Diosqa parlasqaykichejta uyarispa, sayk'unña. Chaywanpis qankuna tapunkichejraj: Imata nispataj payta sayk'ucherqaykuri? nispa. Qankuna ninkichej: Tata Diosqa mana allinta ruwajkunata allinpaj qhawan, paykunawantaj kusikun, nispa. Manachayqa nillankichejtaj: Maypitaj kashan justiciata ruwaj Diosri? nispa.

Malaquías 3:15

Machu machu kajkunata ni imamanta llakiyniyojta kawsajta rikunchej. Millayta ruwaspa purejkunatapis tukuy imapi allillan rin. Paykuna Diosta phiñachinapaj jina imata ruwajtinkupis, mana jasut'isqachu kanku, nispa ninkichej.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.