Jeremías 11:4 - DIOSPA QHELQACHISQ

⁴ Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Qheshwa Biblia DC

⁴ kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

DIOSPA QHELQACHISQAN DEUTEROCANONICAL

⁴ Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 11:4 ပူးပေါင်းရင်းမြစ်များ

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

1 Reyes 8:51

Chayta ruwanki, imaraykuchus paykunaqa aylluyki kanku, chayaqeykitaj. Paykunataqa Egiptomanta, fierro unuyachina hornomanta jina orqhomorqanki.

2 Reyes 18:6

Payqa Tata Diosta kasuspapuni purerqa, manataj paymanta karunchakorqachu. Jinataj Tata Dios Moisesnejta qosqan kamachisqakunata tukuyninta junt'arqa.

Éxodo 20:6

Kamachisqayta junt'ajkunata, munakuwajkunatarí, mirayninkumanta waranqa waranqata noqa khuyakuywan qhawasaj.

Isaías 30:6

Chantá Tata Dios niwarqa: Neguevpi k'ita animalkunamanta kayta sut'inchay: Llakiy ñak'ariy jallp'anejta, maypichus leonkunalla, chantá imaymana nina katarikuna ima tiyan, chaynejta aylloyqa valorniyoj imakunata burrokunapi apanku, qhapaj imankutataj camellokunapi, mana yanapayta atej Egipto suyuman.

Isaías 48:10

Noqa llimphucharqaykichej mana qolqe metalta jinachu. Manachayqa ñak'ariy hornopi ch'uyancharqaykichej.

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 26:13

Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Jeremías 30:22

Ajinamanta israelitakunaqa aylluy kanqanku, noqataj Diosninku kasaj. Noqa Tata Diosmin chayta nini.

Jeremías 32:28

Chayrayku noqa niyki: Noqaqa Babiloniaj kuraj kamachej Nabucodonosorman, caldeokunaman ima kay llajtata jap'inankupaj jaywaykusaj.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Ezequiel 11:20

Chantá paykuna kamachisqayman jina kawsanqanku, nisqayman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Ezequiel 14:11

Ajinamanta Israel aylloqa manaña jayk'ajpis noqamanta t'aqakonqankuchu, nitaj millay imata ruwaspa ch'ichichakonqankuñachu. Paykuna aylluy kanqanku, noqataj paykunaj Diosninku kasaj, nispa nin Tukuyta Kamachej Tata Dios.

Ezequiel 36:28

Chantá ñawpa tataykichejkunaman qorqani, chay suyupi tiyakunkichej. Qankunaqa aylluy kankichej, noqataj Diosniykichej kasaj.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Ezequiel 37:27

Noqapuni paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Daniel (hebreo) 3:26

Chantá horno punkuman qayllaykuspa, Nabucodonosor qhaparerqa: Sadrac, Mesac, Abednego, Patapi Kaj Diospa kamachinkuna, llojsimuychej, kaymantaj jamuychej, nispa. Chantá kinsantin runakuna nina lawrashaj chawpimanta llojsimorqanku.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Levítico 26:3

Sichus kamachisqayman jina purinkichej, kamachisqayta kasuspataj chayman jina ruwankichej chayqa,

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Zacarías 6:15

Chantá runakuna karumanta jamonqanku Tata Diospa Templonta ruwayta yanapanankupaj. Jinamanta yachankichej Tukuy Atiyniyoj Tata Dios qankunaman kachamuwasqanta. Chay tukuy imataj kanqa, maypachachus qankuna Tata Diosniykichejpa nisqanta uyarinkichej, kasunkichejtaj, chaypacha.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Deuteronomio 11:27

Allin risonqachej sichus Tata Diosniykichej kamachisqanta kunan qoshaykichej, chayta kasunkichej chayqa.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Deuteronomio 5:6

Noqa Tata Diosniyki kani. Noqamin Egipto suyupi wata runa kashajtiyki, orqhomorqayki.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.