Jeremías 11:22 - DIOSPA QHELQACHISQ

²² Chaykunamanrí Tukuy Atiyniyoj Tata Dios nin: Paykunata noqa kay jinata jasut'isaj: Waynakuna espadawan wañuchisqa kanqanku, churinkukuna, ususinkukunawantaj yarqhaymanta wañonqanku.

DIOSPA QHELQACHISQAN DEUTEROCANONICAL

²² Chaykunamanrí Tukuy Atiyniyoj Tata Dios nin: Paykunata noqa kay jinata jasut'isaj: Waynakuna espadawan wañuchisqa kanqanku, churinkukuna, ususinkukunawantaj yarqhaymanta wañonqanku.

Jeremías 11:22 ပူးပေါင်းရင်းမြစ်များ

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 44:13

Noqaqa Egiptopi tiyakoj Judá suyumanta kajkunata jasut'isaj, imaynatachus Jerusalenta maqanakuwan, yarqhaywan, onqoywan ima jasut'erqani, ajinata.

Jeremías 49:26

Chay p'unchaypi waynakunaqa callenkunapi mast'alla wijch'urayanqanku, tukuy soldadonkunataj ch'ajwa tinkuypi wañuchisqa kanqanku. Noqa Tukuy Atiyniyoj Tata Dios chayta nini.

Jeremías 9:21

21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Lamentaciones 2:21

Kaynejpi jaqaynejpi wawakuna, machu runakuna, sipaskuna, wayna runakuna ima ayanku wijch'u wijch'ulla kashanku. K'araj phiñakuyniyki p'unchaypi paykunata wañuracherqanki, mana khuyakuspataj ñak'ararqanki.

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.