Jeremías 11:20 - DIOSPA QHELQACHISQ

²⁰ Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

Qheshwa Biblia DC

²⁰ Qanrí Tukuy Atiyniyoj Señor, uj cheqan juez kanki; qan rejsinki tukuy runaj sonqonta imaynachus kasqanta. Rikuchiway imaynatachus chay runasta jasut'inki chayta, makisniykiman churamuni noqamanta kaj ruwana imasta.

DIOSPA QHELQACHISQAN DEUTEROCANONICAL

²⁰ Chantá noqaqa Tata Diosman kay jinata parlarikorqani: Ay, Tukuy Atiyniyoj Tata Dios, qanmin cheqan juez kanki. Qanlla runaj sonqon ukhuta allinta qhawaspa, imaynachus kasqanta yachanki. Chantá imaynatachus runakunata millay ruwasqankumanta jasut'isqaykita rikuchiway, imaraykuchus qanllapi atinikuni.

Jeremías 11:20 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

2 Reyes 19:14

Chantá Ezequías kachakunamanta cartata jap'ispa, ñawirerqa. Jinaspataj, Tata Diospa Templonman rerqa, chaypitaj Tata Diospa ñawpaqenpi chay cartata churarqa.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

Job 5:8

Qan kaspaqa, noqa Diosman qayllaykuyman, imachus phutichishawasqantataj payman willakuyman.

Salmos 139:23

Diosníy, sonqoyta allinta qhaway, sonqoyta rejsispataj, tukuy yuyasqayta allinta yachay allinchus manachus kasqanta.

Salmos 35:2

Jark'akuna escudoykita oqharikuspa, yanapawaj usqhayllata jamuy.

Salmos 43:1

Justiciata ruwaway, Diosníy. Qanta mana manchachikojkunamanta jark'away. Millayta ruwaspa purejmanta, ch'awka runamantawan waqaychaway.

Salmos 57:1

1 (2) Khuyarikuway noqamanta, Diosníy, khuyarikullaway. Qan waqaychanawaykita mask'ani, sinch'i llakiy pasanankama lijrayki urapi pakakuyta munani.

Salmos 58:10

10 (11) Chantá cheqan runa kusikonqa, millay ruwajkunawan Dios pagachikusqanta rikuspa, maypachachus Dios chakinta millayta ruwajkunaj yawarninkupi ch'aranchakonqa, chaypacha.

Salmos 7:10

10 (11) Patapi Kaj Diosqa pakakunay escudo jina, pichus llimphu sonqoyojkunata qhespichin, chaymin.

Salmos 7:8

8 (9) Tata Dios, qan tukuy runata juzganki. Tata Dios, noqataqa cheqan kasqayman jina juzgaway, mana juchayoj kasqayman jinataj qhawaway.

Salmos 7:9

9 (10) Cheqanta ruwaj Dios, qan runaj sonqonta rejsinki, runaj sonqon ukhutapis qhawallankitaj. Millayta ruwaspa purejkunata chinkachiy, cheqan sonqoyoj runatarí sinch'ita sayachiy.

Salmos 98:9

Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.

Jeremías 12:1

Tata Dios, qanwan churanakuyta mana atiymanchu, imajtinchus qanqa cheqanta ruwaj kanki. Chaywanpis kayta tapurisuyta munayman: Imaraykutaj millay ruwajkunata tukuy imapi allin rinri? Imaraykutaj wasanchajkunapis mana imamanta llakikuspa kawsakunkuri?

Jeremías 12:3

Qantajrí, Tata Dios, allinta rejsiwanki. Imaynachus sonqoy qanpaj kasqantapis yachanki. Imaynatachus runa ovejata camalman qhatin, ajinallatataj chay runakunata apakapuy. Wañuchina p'unchaypajtaj señalaykuy.

Jeremías 15:15

Chantá noqa nerqani: Tata Dios, qan tukuy imata yachanki. Noqamanta yuyarikuy ari, waturikuwaytaj yanaparinawaykipaj. Tukuy qhatiykachawajkunamanta vengakuy ari. Ama paykunata ch'inllamanta qhawakuychu, pajtataj wañuchiwankuman. Qan yachanki imaynatachus qanrayku k'umuykachachisqa kasqayta.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 20:12

Tukuy Atiyniyoj Tata Dios, Qanmin cheqan runaj sonqonta qhawanki. Qanmin runaj sonqonta, yuyayninta ima watunki. Noqamanpis imaynatachus paykunata jasut'ispa pagachikusqaykita rikuchiway, imaraykuchus qanllaman llakiyniyta willakuni waqaychasqa kanaypaj.

Lamentaciones 3:58

Tukuyta Kamachej Dios, noqaman kutikuwaspa, sayaykorqanki, kawsayniytataj qhespichiwarqanki.

Lamentaciones 3:59

Qan, Tata Dios, manakajmanta ñak'arichiwasqankuta rikunki. Chayrayku qan justiciata ruwaway ari.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.

Ezequiel 11:5

Chantá Tata Diospa Espíritun noqaman jamuspa, niwarqa: Tata Diosqa israelitakunaman nin: Kay jinata qankuna yuyashankichej, noqatajrí yuyaychakusqaykichejta yachani.

Hechos 17:31

Chayqa ajina, imaraykuchus Dios uj p'unchayta wakichinña, chay p'unchaypitaj cheqa kayninman jina tukuy runata juzganqa kachamusqan runanejta. Diostaj sut'ita yachayta qon pichus chay runa kasqanta, chay runata wañusqamanta kawsarichimuspa, nispa. Ajinata Pabloqa juntapi kajkunaman nerqa.

Filipenses 4:6

Jinallataj ama imamantapis phutikuychejchu. Aswanpis Dioswan parlarikuspa, imatachus pisichikushasqaykichejta mañakuychej. Chantá imatachus ruwapususqaykichejmanta Diosta pachis niychej.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

1 Pedro 2:23

Runakuna Cristota turiyashajtinku, payqa mana kutichikorqachu. Ñak'arichisqa kashaspapis, mana nerqachu chaymanta pagachikunanta. Aswanpis cheqanta juzgaj Juezpa makinman churakorqa.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

1 Samuel 24:15

15 (16) Chayrayku Tata Dios iskayninchejmanta yachachun. Nichuntaj pichus juchayoj kasqanchejta. Payllataj qanmanta jark'akuwachun, nispa.