Jeremías 11:13 - DIOSPA QHELQACHISQ

¹³ Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Qheshwa Biblia DC

¹³ Judajta tiyan may chhika dioskunasnin llajtasninku chhikallataj. Jerusalempi tiyakojkunataj may chhika altaresta oqharinku Baalman inciensota q'osñichinankupaj, chay llajtapi callesnin chhikallataj.

DIOSPA QHELQACHISQAN DEUTEROCANONICAL

¹³ Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 11:13 ပူးပေါင်းရင်းမြစ်များ

2 Reyes 23:13

Ajinallatataj kuraj kamachej Josiasqa Jerusalén llajtaj chimpanpi orqo patapi altarkunatapis millachikunaman tukuchillarqataj. Chantá Olivoyoj orqoj pañannejpi kaj altarkunapis millachikunaman tukuchillarqataj. Chay altarkunata Israelta kuraj kamachej Salomonqa millay lantikunata yupaychanapaj ruwachisqa, sidoniokunaj lantinku Astoretpaj, moabitakunaj lantinku Quemospaj, chantá amonitakunaj lantinku Milconpajwan ima.

2 Crónicas 28:25

Jinallataj tukuy Judá suyupi, sapa llajtapi lantikunata yupaychanapaj wasita ruwacherqa, chaypitaj waj dioskunaman inciensota q'oshñicherqanku. Jinata ruwaspa, ñawpa tatanpa Tata Diosninkuta phiñacherqa.

Isaías 2:8

Chantá lantikunawan junt'allataj kashan. Kikin makinkuwan ruwasqanku diosninkukunata yupaychanku.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 17:1

Tata Dios nin: Judá, juchaykeqa fierro cincelwan, chantá puntachasqa diamantewan ima qhelqasqa kashan. Sonqoykipi, chay altarniykikunaj wajrankunapiwan qhelqasqa kashan.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 19:5

Chantataj altarkunata ruwarqankichej, wawaykichejkunata Baal diosman q'olachipunaykichejpaj. Chayta noqa mana kamacherqanichu, manapuni chay jina kananta yuyallarqanipischu.

Jeremías 2:28

Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Jeremías 3:24

Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Jeremías 44:21

Qankuna yuyankichejchu kay tukuyta Tata Dios mana yachasqanta? Yuyallankichejtajchu payqa Judá suyupi Jerusalenpa callenkunapi ñawpa tataykichejkuna, kuraj kamachejkuna, kurajniykichejkuna, jinataj tukuy runakuna ima inciensota waj dioskunaman q'oshñichisqaykichejmanta qonqapusqanta?

Jeremías 44:5

Paykunatajrí nisqayta mana ruwarqankuchu, nitaj kasuwarqankuchu. Millay ruwanankuta saqenankutaqa, inciensota waj dioskunaman q'oshñichillarqankupuni.

Jeremías 48:35

Tata Dios nillantaj: Noqaqa Moabmanta runakunata chinkachisaj, imaraykuchus paykuna orqo patapi lantinkuman uywa ñak'asqa q'olachinata jaywanku, inciensotapis diosninkukunaman q'oshñichinku.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Ezequiel 16:24

tukuynejpi lantikunata yupaychanapaj cheqakunata wakicherqanki, plazakunapitaj altarkunata sayaricherqanki.

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Oseas 12:11

11 (12) Chaywanpis Galaadpi waj dioskuna tiyan, chaykunataj qhasi manakaj dioskunalla kanku. Gilgalpi ñak'asqa jaywanapaj torota jaywanku. Altarninkukunapis llank'ana chawpipi rumi qollu jina kashan.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.