Jeremías 11:10 - DIOSPA QHELQACHISQ

¹⁰ Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Qheshwa Biblia DC

¹⁰ Ñaupa tatasninku juchasta ruwasqallankumantaj kutiykapunku. Paykunaqa mana kasuwarqankuchu. Chayrayku waj dioskunata yupaychaj churakorqanku. Israel, jinataj ñaupa tatasninkuwan tratota ruwasqayta p'akerqanku.

DIOSPA QHELQACHISQAN DEUTEROCANONICAL

¹⁰ Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Jeremías 11:10 ပူးပေါင်းရင်းမြစ်များ

Salmos 78:57

Tatankukuna jina paykunapis Diosmanta karunchakullarqankutaj, manataj payta qhaterqankuchu. Mana allin ruwasqa arco jina q'ewikorqanku.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 17:23

Paykunatajrí mana uyariwarqankuchu, manachayqa k'ullukuspa, mana kasuwayta munarqankuchu, nitaj jasut'isqankuwan wanarqankuchu, nispa.

Jeremías 22:9

Paykunataj kutichenqanku: Imaraykuchus paykunaqa Diosninku Tata Diospa trato ruwasqanta saqerparispa, waj dioskunata yupaycharqanku, sirverqankutaj, chayrayku, nispa.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 44:5

Paykunatajrí nisqayta mana ruwarqankuchu, nitaj kasuwarqankuchu. Millay ruwanankuta saqenankutaqa, inciensota waj dioskunaman q'oshñichillarqankupuni.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Ezequiel 16:59

Noqa Tukuyta Kamachej Tata Dios nillanitaj: Ruwasqaykiman jina jasut'isqayki, imaraykuchus tiluwasqaykita pisipaj qhawaspa, trato ruwasqaykita p'akerqanki.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.

Ezequiel 5:6

Jerusalenrí kamachisqaypa contranpi, nisqaypa contranpi ima oqharikorqa. Paypa ruwasqanqa astawan millaypuni karqa muyuyninpi kaj llajtakunaj, chantá suyukunaj ruwasqankumanta nisqaqa, imaraykuchus nisqayta, kamachisqaytawan mana kasuspa, qhesacharqapuni, nispa.

Oseas 6:4

Tata Dios nin: Efraín, imatataj qanwan ruwasajri? Judá, qanwanpis imatataj ruwasajri? Munakuwasqaykichejqa tutamanta phuyu jinalla, chayrí tutamanta chhulla jina chinkaripojlla.

Oseas 6:7

Chaywanpis aylloyqa Adán jinallataj trato ruwasqayta p'akinku, wasanchawankutaj.

Oseas 7:16

Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.

Levítico 26:15

Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa,

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 9:7

Qankunaqa yuyarikuychejpuni imaynatachus Tata Diosniykichejta ch'innejpi phiñachisqaykichejta. Qankunaqa Egiptomanta llojsimusqaykichejmantapacha kay jallp'aman chayamunaykichejkama, Tata Diospa contranta oqharikullarqankichejpuni.

Hebreos 8:9

Kay tratoqa mana ñawpa tatankukunawan ruwasqay trato jinachu kanqa. Chay tratota ruwarqani maypachachus paykunata makinkumanta aysarispa, Egipto suyumanta orqhomorqani chaypacha. Paykunatajrí trato ruwasqayta mana junt'arqankuchu. Chayrayku noqapis paykunata mana rikoj tukorqani, nispa Tukuyta Kamachej Dios nin.

Jueces 2:11

Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

Jueces 2:17

Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.