Jeremías 10:9 - DIOSPA QHELQACHISQ

⁹ Lantikunata lluch'inankupaj Tarsismanta qolqe metalta apamunku, Ufazmantataj sumaj qorita. Chantá lanti ruwasqankuta puka telawan, puka kulli telawan ima p'achallichinku. Chay tukoyqa yachajkunaj ruwasqallanku kanku.

Qheshwa Biblia DC

⁹ Lantisninkoqa Tarsismanta qolqe apamusqallankumanta, Ufasmantawan qorita apamusqallankumantawan kanku. Chaykunaqa k'aspi llajllajkunaj, jinallataj titi jich'ajkunaj ruwasqallan kanku. P'achasnimpis lila telasmanta, jinallataj puka telasmanta k'achituta ruwajkunaj ruwasqasnin kanku.

DIOSPA QHELQACHISQAN DEUTEROCANONICAL

⁹ Lantikunata lluch'inankupaj Tarsismanta qolqe metalta apamunku, Ufazmantataj sumaj qorita. Chantá lanti ruwasqankuta puka telawan, puka kulli telawan ima p'achallichinku. Chay tukoyqa yachajkunaj ruwasqallanku kanku.

Jeremías 10:9 ပူးပေါင်းရင်းမြစ်များ

1 Reyes 10:22

Salomonpa jatuchaj barconkunaqa Jiranpa barconkunawan khuska, sapa kinsa watamanta uj kutita Tarsismanta chayamoj kanku, kay imakunata apamuspa: Qorita, qolqe metalta, marfilta, k'usillukunata, pavo realkunatawan ima.

2 Crónicas 9:21

Kuraj kamachej Salomonpa barconkunaqa Jiranpa kamachinkunawan khuska Tarsisman rej kanku, sapa kinsa watamantataj kutimoj kanku qorita, qolqe metalta, marfilta, monokunata, pavo realkunata ima apamuspa.

Salmos 115:4

Diosta mana qhatejkunaj lantinkurí qolqe metalmanta, qorimantawan ima ruwasqa kanku, chaykunataj runaj ruwasqallan kanku.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

Isaías 23:6

Tarsiskama riychej. Mama qochaj kantunpi tiyakojkuna, waqarikuychej.

Isaías 40:19

Lantita ruwaj runaqa ninapi metalta unuyachispa, lantita jich'an. Qoriwan k'achanchayta yachaj runataj chay lantita qoriwan lluch'in, qolqe metalmanta cadenakunatapis ruwapullantaj.

Ezequiel 27:12

Chay jina qhapajpuni kasqaykirayku, Tarsis llajtamanta kajkuna jamuspa, qhatunaykikunamanta qanwan rukanankupaj qolqewan, fierrowan, titiwan, qoriwan ima pagasoj kanku.

Ezequiel 27:7

Barco purichina velaykipis Egiptomanta apamusqa sumajnin linomanta ruwasqa karqa, wiphala jina laphaqeyarinanpaj. Llanthuchaj toldoykitaj Elisa sutiyoj llajtamanta apamusqa puka kulli telamanta ruwasqa karqa.

Daniel (hebreo) 10:5

Qhawarispataj, rikorqani uj runata, linomanta ruwasqa p'achayojta, may sumaj qorimanta ruwasqa chumpiwan chumpiykukusqata.

Oseas 8:6

Samariapi israelitakunaj yupaychasqanku torillo lanteqa mana Dioschu. Chaytaqa runalla ruwan, chayraykutaj phirisqa kanqa.

Jonás 1:3

Jonastajrí Diospa nisqanta kasunantaqa, Tata Diosmanta ayqeyta munarqa, jinataj Jatun Mama Qocha kantupi kaj Jope llajtaman urayk'orqa. Chaypi Jonás uj barcota Tarsisman puririshajtaña tarerqa. Pasajeta rantikuspataj, barcoman wicharerqa. Ajinamanta Jonasqa Tata Diosmanta ayqeyta munarqa.

Habacuc 2:19

Ay, imarajchus kanqa qanmanta, imaraykuchus k'ullumanta llajllasqa lantita ninki: Rijch'ariy, nispa. Mana parlayta atej rumitataj ninki: Sayarikuy, nispa. Chaykunaqa imamantapis willasuyta atinkumanchuri? Mana, imaraykuchus, qoriwan chayrí qolqe metalwan lluch'isqa kaspapis, mana kawsayniyojchu kanku.