Jeremías 10:8 - DIOSPA QHELQACHISQ

⁸ Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Qheshwa Biblia DC

⁸ Tukuy paykuna wampus kanku, mana uj chhikan yachayninkupis kanchu. Uj juch'uy k'aspillaqa mana imatapis yachachinchu.

DIOSPA QHELQACHISQAN DEUTEROCANONICAL

⁸ Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Jeremías 10:8 ပူးပေါင်းရင်းမြစ်များ

Salmos 115:8

Chay qhasi manakaj dioskunata ruwajkunaqa chay lantiman rijch'akunku, jinallataj lantiman tukuy k'umuykojkunapis.

Salmos 135:18

Chay lantikunata ruwajkunaqa chaykunallamantaj rijch'akunku, jinallataj chaykunaman k'umuykojkunapis.

Isaías 41:29

Tukuyninku qhasi manakaj kanku, manataj imatapis ruwayta atinkuchu. Jich'aspa ruwasqaykichej lantikunaqa qhasi manakaj kanku.

Isaías 44:18

Chay runakuna mana imatapis yachankuchu, nitaj entiendenkuchu imatachus ruwashasqankuta, imaraykuchus qhawashaspapis ñawsakuna kanku, manataj yuyayninkupipis imachus kasqanta jap'eqayta atinkuchu.

Isaías 44:19

Chay runakuna manapuni unancharinkuchu, nitaj yuyayninku kanchu entiendenankupaj, nitaj sonqonkupi ninkuchu: Kay k'ullumanta wakinta ninaman enqhani, chay nina k'ajaypitaj t'antata chayachini, chayllapitaj aychatapis mikhunaypaj kankani. Puchojmantarí qhasi manakaj lantita ruwani. Uj k'ullumanchu qonqorikusaj? nispa.

Jeremías 10:14

Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Jeremías 2:27

Qankunaqa uj k'ulluta ninkichej: Qan tatay kanki, nispa. Uj rumitataj ninkichej: Qan mamitay kanki, nispa. Noqatatajrí wasanchawankichej, wajnejmantaj qhawaykachankichej. Ñak'ariypi rikhurispalla, niwankichej: Jamuy yanaparinawaykupaj, nispa.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 5:4

Noqatajrí sonqoypi nerqani: Wajcha runakunalla wampu ajina kanku, imaraykuchus Tata Diospa munayninta mana yachankuchu, nitaj Diosninkoj kamachisqantapis rejsinkuchu.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Jonás 2:8

8 (9) Lantikunata yupaychajkuna qanta wasanchasunku.

Habacuc 2:18

Lanti ruwasqaña kaspa, ima allinpajtaj kanman? Ima allinpajtaj kanman llullaman pusaj lantiri? Chay lantikunaqa mana parlayta atinkuchu. Chayrayku pichus chaykunata ruwaj, imaynatataj chaykunapi atinikunmanri?

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.