Jeremías 10:7 - DIOSPA QHELQACHISQ

⁷ Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Qheshwa Biblia DC

⁷ Pitaj qanta mana manchachikusonqachu nacionespa reynintari? Qanqa manchachikunapaj nisqa kanki. Tukuy yachayniyojkunamanta, reyesmantapis manapuni qan jinaqa kanchu.

DIOSPA QHELQACHISQAN DEUTEROCANONICAL

⁷ Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Jeremías 10:7 ပူးပေါင်းရင်းမြစ်များ

2 Reyes 17:39

Astawanpis noqa Tata Diosnillaykichejta jatun respetowan maypaj qhawawankichej. Noqallamin tukuynin awqaykichejkunamanta kacharichisqaykichej, nispa. Ajinata Tata Dios paykunawan tratota ruwasqa.

1 Crónicas 16:25

Tata Diosqa may jatunmin, mayta yupaychanapaj jinapuni. Payqa tukuy dioskunamanta aswan manchachikunapaj jina.

Ester (hebreo) 1:13

Chantá kuraj kamachejqa kamachisqakunamanta yachajkunata tapurerqa imatachus ruwananmanta, imaraykuchus pay sapa kuti paykunamanta yuyaychayta mañakojpuni.

Salmos 147:5

Tukuyta Kamachej Diosqa jatunmin, may atiyniyojtaj, yuyayninpis mana tukukuyniyojmin.

Salmos 22:28

28 (29) imaraykuchus Tata Diosqa kuraj kamachejmin, paytaj tukuy suyukunata kamachin.

Salmos 47:3

3 (4) Payqa tukuy runata makinchejman churarqa, chakinchej uramantaj tukuy suyuta.

Salmos 72:11

Tukuy kuraj kamachejkuna paypa ñawpaqenpi qonqorikuchunku, tukuy suyutaj paypa kamachiyninpi kachunku.

Salmos 76:7

7 (8)Qanqa manchayta manchachikunamin kanki. Sinch'i phiñasqa kashajtiyki, pitaj ñawpaqeykipi sayayta atinmanri?

Salmos 86:8

Tukuyta Kamachej Diosníy, qan jina diosqa mana waj kanchu, ruwasqaykita jinaqa mana pipis ruwanmanchu.

Salmos 86:9

Tukuyta Kamachej Dios, sayarichisqayki suyukuna jamuspa, qanta yupaychasonqanku, sutiykitataj jatunchanqanku.

Salmos 89:6

6 (7) Ni ima diospis, ni pipis janaj pachapi kajkunamanta, Tata Dios, qanwan kikinchakusunkimanchu.

Éxodo 8:10

10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Éxodo 9:14

Manachus kacharinki chayqa, kunan sinch'i ñak'ariyta tukuy Egiptoman kachaykamusaj qanpa contraykita, yanapajniykikunaj, chantá runaykikunaj contrankuta ima. Ajinamanta yachanki tukuy kay pachapi noqa jina mana waj dios kasqanta.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Jeremías 10:6

Chantá Jeremías nerqa: Tata Dios, mana pipis qan jinaqa kanchu. Qanqa may jatun kanki, sutiykitaj may atiyniyoj.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Daniel (hebreo) 2:27

Danieltaj kuticherqa: Mana mayqen yachayniyoj runapis, nitaj yatiripis, nitaj yachajpis, nillataj ch'askata qhawaspa watojpis atinmanchu chay pakasqa yachayta willasuyta.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

San Lucas 12:5

Noqarí pitachus manchachikunaykichejta nisqaykichej: Pichus runata wañuchiytawankama, atiyniyoj kashan nina lawrayman wijch'unanpaj, paytamin manchachikuychej.

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

Josué 4:24

Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.