Jeremías 10:25 - DIOSPA QHELQACHISQ

²⁵ Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Qheshwa Biblia DC

²⁵ Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

DIOSPA QHELQACHISQAN DEUTEROCANONICAL

²⁵ Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Jeremías 10:25 ပူးပေါင်းရင်းမြစ်များ

Job 18:21

Ajinata millayta ruwaspa purejpa kawsaynin tukukapun. Pichus Diosta pisipaj qhawajqa ajinata tukukaponqa, nispa.

Salmos 14:4

Millayta ruwajkuna mana yuyayniyojchu kanku. Paykunaqa aylluyta t'antata jina mikhukapunku. Tata Diospa sutintapis mana oqharillankupischu.

Salmos 147:20

Chaywanpis waj suyukunawan mana ajinatachu ruwarqa. Chay suyukunaqa Diospa kamachisqanta mana jayk'aj yacharqankuchu. Tata Diosqa jatunchasqa kachun.

Salmos 27:2

Millayta ruwaj awqaykunaqa tantakuspa, noqata chinkachinawankupaj wakichikunku. Chaywanpis paykunallataj misk'aspa urmanqanku.

Salmos 69:24

24 (25) Qanqa phiñakuyniykita patankuman kachaykuy, k'araj phiñakuyniykitaj paykunata taripachun.

Isaías 43:22

Chaywanpis Jacobpa miraynin Israel, qanqa sutiyta mana oqharerqankichu, manachayqa noqawan amichikorqanki.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Jeremías 11:1

Tata Diosqa noqa Jeremiasman parlaspa, niwarqa:

Jeremías 30:16

Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:7

Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Lamentaciones 2:22

Tukuynejmanta manchachikuyta tantaykamunki jatun raymiman wajyarikusqapis kankuman jina. Tata Dios, qanpa k'araj phiñakuyniyki p'unchaypi mana ujllapis llusp'erqachu, nitaj kawsashajpis qhepakorqachu. Pikunatachus uywasqaytaqa awqay wañuracherqa.

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

Sofonías 3:8

Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

Hechos 17:23

Llajtaykichejpi puriykachashaspaqa, chay dioskunata yupaychanapaj may chhika altarkunata rikuni. Jinallataj uj altartapis tarini kay jinata nishajta: “Kayqa mana rejsisqa diospata”, nispa. Chay Diosmanta, pitachus mana rejsispalla yupaychankichej, chaymantamin noqaqa parlasqaykichej.

1 Corintios 15:34

Chayrayku qankuna yuyayniykichejman kutiriychej, amañataj juchalliychejchu, imaraykuchus qankunamanta wakin mana maychus kajta Diosmanta yachankichejchu. Chayta nishaykichej qankuna p'enqakunaykichejpaj.

1 Tesalonicenses 4:5

Amataj Diosta mana qhatejkuna jina millay ch'ichi kajta ruwayta munapayaspa kawsaychejchu.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.