Jeremías 10:22 - DIOSPA QHELQACHISQ

²² Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Qheshwa Biblia DC

²² Allinta uyariychej, uj willay chayamun! Pata lado llajtasmanta uj jatun ch'ajway jamushan, chaytaj Judáj llajtasninta uj ch'in pampaman tukuchenqa atojkunallaña kausanankupaj jina.

DIOSPA QHELQACHISQAN DEUTEROCANONICAL

²² Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Jeremías 10:22 ပူးပေါင်းရင်းမြစ်များ

Isaías 34:13

Kamachina wasikunapi khishkakunallaña wiñanqanku, sumaj jark'achasqa llajtakunapitaj ithapalluwan, qhorallawanña wiñanqanku. Chaykunapi k'ita alqokunallaña puñonqanku, pationkunapitaj surikunaj thapallanña kanqa.

Jeremías 1:14

Chantá Tata Dios niwarqa: Wichaynejmanta ñak'areyqa kay suyupi tukuy tiyakojkunaj patankuman jich'akamonqa.

Jeremías 1:15

Noqa Tata Diospuni kayta nini: Wichaynejmanta tukuy suyuta wajyamusaj. Kuraj kamachejninkuna jamuspataj, Jerusalenman yaykuna punkunpi kamachinanku tiyanata churanqanku. Jinallataj jatuchaj perqankuna chaypi, chantá Judáj tukuynin llajtanpipis toldonkuta sayachenqanku.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 4:15

Dan llajtamantapacha mana allin willaykuna uyarikun, Efraín orqonmantataj llakiy willaykuna uyarikullantaj.

Jeremías 4:6

Tata Dios nillarqataj: Wiphalata Sionnejman sayaykuchiychej. Sumaj jark'achasqa cheqaman ayqeychej, amataj qhepakuychejchu, imaraykuchus wichaynejmanta jatun ñak'ariyta, wañuytawan apachimusaj.

Jeremías 49:33

Jazor suyu wiñaypaj ch'inman tukuchisqa kanqa, k'ita alqokunaj tiyakunankullanña kanqa. Mana pipis chaypi tiyakonqañachu, ni ñan purejkunallapis chayninta renqankuchu, nispa.

Jeremías 5:15

Chantá Tata Dios nillarqataj: Israel, contraykipi karumantapacha waj llajtayojkunata kachamusaj. Chay llajtayojkunaqa manchay sinch'i runakuna kanku, may unayniyojtaj. Qanqa rimayninkuta mana parlankichu, nitaj parlasqankuta entiendenkichu.

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.

Jeremías 6:22

Tata Dios ajinata nin: Wichaynejmanta may jina atiyniyoj suyu jamunanpaj wakichikushan.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Lamentaciones 1:4

Sionman rej ñankunaqa llakiy, ch'inpachalla kashanku. Mana pipis jatun raymiman jamoj kanchu. Jerusalén llajtaj punkunkunaqa tukuynin thuñisqa, ch'inpachataj kashanku. Chayrayku sacerdotekunaqa waqarikunku. Sipaskunapis manchay llakisqa kashanku. Jerusalén llajtaqa llakiypa atipasqan kashan.

Ezequiel 12:19

Jinaspataj, kay suyupi tiyakojkunata niy: Tukuyta Kamachej Tata Diosqa Jerusalenpi tiyakojkunaman, israelitakunamanpis kay jinata nin: T'antankuta may manchachikuywan mikhonqanku, yakutataj llakiywan mancha manchalla ujyanqanku. Ajina kanqa, imaraykuchus kallpaman atinikuspa millayta ruwasqankurayku, jallp'anku t'ajraman tukuchisqa kanqa, mana ima poqojtaj.

Malaquías 1:3

Esautatajrí noqa qhesacharqani, paypa chayaqen orqorara jallp'antataj ch'in orqoman tukucherqani. Sumaj jallp'antapis k'ita alqokunallaña kawsanankupaj jina ruwarqani.