Jeremías 10:21 - DIOSPA QHELQACHISQ

²¹ Aylluta michejkuna wampuman tukorqanku. Tata Diosta mana mask'ankuchu. Chayraykumin paykunata mana allinchu rin. Tukuy ovejankunapis ch'eqerapunku.

Qheshwa Biblia DC

²¹ Kay aylluta michejkunaqa wampus kanku; Señorta mana mask'ankuchu. Chayraykumin paykunaqa mana allinchu rinku, tukuy uywasninkupis ch'eqerasqas kashanku.

DIOSPA QHELQACHISQAN DEUTEROCANONICAL

²¹ Aylluta michejkuna wampuman tukorqanku. Tata Diosta mana mask'ankuchu. Chayraykumin paykunata mana allinchu rin. Tukuy ovejankunapis ch'eqerapunku.

Jeremías 10:21 ပူးပေါင်းရင်းမြစ်များ

Jeremías 10:14

Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 22:30

Tata Dios nin: Kay runaj sutinta p'anqaman qhelqaychej, mana wawayoj runata jina, mana imapis allin rejta jina, imaraykuchus mirayninmanta ni pi Davidpa kamachinan tiyanapi tiyaykonqachu Judapi kamachinanpaj, nispa.

Jeremías 49:32

Camellonkukunata, tukuy uywankukunatapis apakapuychej. Noqamin paykunata tukuynejman ch'eqerachisaj kay pachaj k'uchunkama. Tukuynejmanta jatun ñak'ariyta paykunaman kachaykusaj. Noqa Tata Diosmin chayta nini.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 8:9

Chay yachayniyojkunaqa k'umuykuchisqa, mancharichisqataj kanqanku, imaynatachus uj animal tojllapi jap'ichikun, jinata. Sichus noqaj nisqaykunata qhesachanku chayqa, ima yachaymantataj parlankuri?

Ezequiel 34:12

Imaynatachus ovejakunata michej ch'eqerasqa ovejankunata tantaykuspa michin, ajinata noqapis ovejaykunata michisaj. Maykunamanchus phuyusqa laqha p'unchaypi ch'eqerarqanku, chaykunamanta paykunata tarikampusaj.

Zacarías 10:3

Chayrayku Tata Dios nin: Aylluyta michejkunapajmin phiñakuyniy astawan k'ajarin, noqataj aylluyta kamachejkunata jasut'isaj, nispa. Kunantaj Tukuy Atiyniyoj Tata Dios Judáj mirayninta tropanta jina waqaychanqa, aylluntataj yanapanqa, maqanakupaj wakichisqa caballo jina kallpayoj kanankupaj.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.