Jeremías 10:11 - DIOSPA QHELQACHISQ

¹¹ Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Qheshwa Biblia DC

¹¹ Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

DIOSPA QHELQACHISQAN DEUTEROCANONICAL

¹¹ Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 10:11 ပူးပေါင်းရင်းမြစ်များ

Salmos 96:5

Waj ayllukunaj diosninkoqa manakaj lantilla kanku. Tata Diostajrí janajkunata ruwarqa.

Isaías 2:18

Chantá Tata Diosqa tukuy lantikunatapis chinkachillanqataj.

Isaías 57:12

Kunan noqa sut'iman orqhosaj ruwasqaykita, imatachus cheqan kasqanta yuyanki, chayta. Chaywanpis chayqa mana yanapasonqachu.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 43:12

Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Jeremías 43:13

Ajinallataj Nabucodonosorqa Egiptopi Bet Semespa lantinta phirillanqataj, lanti yupaychana wasikunatapis kanaykonqa, nispa.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 51:18

Chaykunaqa mana imapaj walejchu kanku, asikunapaj jina. Tata Dios juicio p'unchaypi chaykunata chinkarparichenqa.

Lamentaciones 3:66

Chay k'araj phiñakuyniykiwan paykunata qhatiykuy, kay jallp'a patamantataj chay runakunata chinkachiy ari, Tata Dios.

Ezequiel 30:13

Tukuyta Kamachej Tata Dios kay jinata nillantaj: Menfis llajtaj tukuy diosninkuta t'unaykusaj. Egiptopi manaña kuraj kamachej kanqachu. Tukuy suyupitaj manchachikuy junt'a kanqa.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.

1 Samuel 5:4

Jinataj q'ayantin paqarin Asdod llajtayojkuna jamuspa, Dagonta kikillantataj rikorqanku, Tata Diospa arcanpa ñawpaqenpi pampapi k'umpusqata. Punku yaykuypi uman, chantá iskaynin makinpis p'akisqata rikorqanku, ukhullanña qhepakusqa.