Jeremías 10:10 - DIOSPA QHELQACHISQ

¹⁰ Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Qheshwa Biblia DC

¹⁰ Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

DIOSPA QHELQACHISQAN DEUTEROCANONICAL

¹⁰ Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 10:10 ပူးပေါင်းရင်းမြစ်များ

Génesis 21:33

Abrahamtaj uj tamarindo sach'ata chaypi churarqa. Chantá Bersebapi Abrahamqa Wiñay Kawsayniyoj Tata Diosta yupaycharqa.

1 Reyes 18:39

Tukuy runataj chayta rikuytawan, qonqorikuspa pampakama k'umuykorqanku, qhaparerqankutaj: Tata Diosllamin Diosqa, Tata Diosllamin Diosqa, nispa.

1 Reyes 8:60

Ajinamanta kay pachapi tukuy suyu yachanqanku Tata Dioslla cheqa kaj Dios kasqanta, manataj waj kasqanta.

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

2 Crónicas 15:3

May unayta Israelqa mana cheqa Diosniyojchu karqa, mana yachachej sacerdoteyoj, nitaj kamachejniyoj.

Job 9:6

Payqa jallp'ata thalarin, jallp'aj tijsinkunatapis kharkatichin.

Salmos 10:16

Tata Diosqa wiñaypaj Kuraj Kamachejmin. Qanman mana kutirikojkunarí llajtankumanta wijch'usqa kanqanku.

Salmos 100:3

Tata Diosqa Diospuni kasqanta rejsikapuychej. Pay ruwawasqanchejrayku, paypata kanchej. Paypa ayllun kanchej, michinan ovejankunataj.

Salmos 100:5

Tata Diosqa manchay k'achamin, khuyakuynintaj wiñaypaj. Nisqanta junt'aj kasqantaj mana tukukunchu.

Salmos 104:32

Tata Dios qhawarimojtin, kay pacha kharkatitin, llankharejtintaj, orqokuna q'oshñirinku.

Salmos 114:7

Qan, jallp'a, Tukuyta Kamachej Diospa ñawpaqenpi kharkatitiy, Jacobpa Diosninpa qayllanpi qhatatitiy.

Salmos 145:13

Kuraj kamachej kasqaykeqa wiñay wiñaypajmin, kamachiyniykitaj miraymanta miraykama.

Salmos 146:6

Payqa janajta, kay pachatapis ruwarqa, mama qochata, tukuy chaypi kajkunatawan. Paytaj nisqanta mana qonqaspa junt'anpuni.

Salmos 18:7

7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

Salmos 29:10

Tata Diosqa Kuraj Kamachejmin, paytaj wiñaypaj kamachin. Pay parata munasqanta ruwananpaj kamachin.

Salmos 31:5

5 (6) Makiykiman kawsayniyta jap'ichikamuyki. Cheqan kaj Tata Diosníy, qhespichiway.

Salmos 42:2

2 (3) Kawsaj Dioswan karikuyta imata jina mask'ani. Mayk'ajtaj Diospa ñawpaqenman risaj, payta yupaychanaypajri?

Salmos 68:11

11 (12) Tukuyta Kamachej Dios ujta parlarqa, ashkha warmitaj chay sumaj willaykunata willarqanku:

Salmos 68:8

8 (9) jallp'a kharkatiterqa, janajmantataj paramorqa. Israelpa Diosnin, Sinaí orqopis ñawpaqeykipi kharkatitillarqataj.

Salmos 74:12

Diosníy, qanqa unaymantapachapuni Kuraj Kamachejniy kanki. Qanmin kay suyuta qhespichej kanki.

Salmos 76:7

7 (8)Qanqa manchayta manchachikunamin kanki. Sinch'i phiñasqa kashajtiyki, pitaj ñawpaqeykipi sayayta atinmanri?

Salmos 76:8

8 (9) Janaj pachamantapacha justiciaykita rejsichinki. Chayrayku kay pacha manchachikun, kikinpitaj sayan.

Salmos 77:18

18 (19) Muyoj wayrapi qhon qhonkuna sinch'ita uyarikorqa. Illapakuna kay pachantinta k'ancharerqa, jallp'ataj chujchurispa kharkatiterqa.

Salmos 84:2

2 (3) Noqa may jinatapuni Temploykej pationkunapi kayta munani. Tukuy sonqoywan kawsayta qoj Diosman kusisqa takini.

Salmos 9:8

8 (9) Payqa kay pachapi runakunata cheqantapuni juzganqa, maychus kajtataj justiciata ruwanqa.

Salmos 90:11

Pitaj k'araj phiñakuyniykita rejsinri? Pitaj yachan phiñakuyniyki may jinachus kasqantari?

Salmos 90:2

Manaraj orqokuna ruwasqa kashajtin, nitaj kay jallp'a, kay pachapis kashajtin, wiñaymanta wiñaykama qan Dios kanki.

Salmos 93:2

Qallariymantapacha, Tata Dios, kamachinayki tiyanaqa sinch'ita sayashan. Qanqa wiñaymantapacha karqankipuni.

Salmos 97:4

Lliuj lliujninkunaqa kay pachata k'anchaykun, jallp'ataj chayta rikuspa, kharkatitin.

Isaías 37:17

Uyariway ari Tata Dios, ñawiykita kicharispa, qhaway ari. Senaqueribpa tukuy nisqanta uyariy ari. Pay kayta apachimuwan, kawsaj Diospa contraykita millayta rimaspa.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Isaías 40:15

Tata Diospajqa tukuy suyu uj sut'oj yaku jinalla kanku, chayrí balanzapi ñut'u jallp'a jinalla. Mama qochapi churukunatapis ñut'u jallp'ata jinalla chinkarpachin.

Isaías 40:28

Manachu jayk'aj yacharqankichej? Manallatajchu uyarerqankichej? Tata Diosqa wiñay wiñaypaj kawsaj Diosmin. Jinallataj tukuy kay pachatapis paymin ruwarqa. Payqa mana llawch'iyanchu, nitaj sayk'unchu. Paypa yuyasqantaqa mana pipis yachayta atinmanchu.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 23:36

Jinapis qankunaqa ama kay jinata parlaychejchu: Tata Dios ajinata nin, nispa. Pillapis: Tata Dios ajinata nin, nispa ninman chayqa, chay kikin nisqallantataj may llasa q'epiman jina tukuchisaj. Qankuna noqa kawsashaj Diospa nisqayta q'ewispa, uj jinaman tukuchinkichej. Noqa Diosniykichej kani, Tukuy Atiyniyoj Tata Dios.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 4:24

Orqokunata qhawarejtiy, manchayta ikharikusharqanku. Tukuy juch'uy orqokunapis kharkatitishallarqankutaj.

Jeremías 50:46

Babilonia suyoj urmasqanqa kay pachata kuyurichenqa, urmasqanmanta qhaparqachasqankutaj tukuy kay pachapi uyarikonqa, nispa.

Jeremías 51:29

Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Daniel (hebreo) 4:3

3 (3.33) Paypa ruwasqanqa manchay t'ukuna, may jatuntaj. Kamachisqanpis wiñay wiñaypaj kanqa, manapunitaj tukukonqachu.

Daniel (hebreo) 4:34

34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Daniel (hebreo) 6:27

27 (28) Paymin qhespichej, kacharichejtaj. Payllataj janajpi jinallataj kay pachapipis runaj mana jayk'aj rikusqanta, chantá may t'ukuna imakunata ruwan. Paymin Danielta leonkunaj siminkumanta qhespicherqa, nispa.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Miqueas 1:4

Chakin urapi orqokuna unuyanqanku, imaynatachus ceraqa ninaman churaykojtinchej unuyan, jinata. Vallekunapis iskayman khallasqa kanqanku, imaynatachus purishaj yaku wayq'ota ruwan, jinata.

Nahúm 1:5

Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Malaquías 3:2

Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

San Mateo 16:16

Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

San Mateo 26:63

Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Deuteronomio 32:4

Payqa pakakunanchej chhanka kashan. Ruwasqanqa mana pantayniyojmin, tukuy ruwasqantaj cheqanmin kashan. Payqa mana llullakoj Dioschu. Payqa cheqanta ruwajmin. Payqa cheqanmin, cheqa kajtaj.

Deuteronomio 5:26

Pi runataj chay jina nina lawray chawpimanta kawsaj Diospa parlasqanta uyarinman, noqanchej jina mana wañuspallari?

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

Hebreos 10:31

Ajinaqa kawsaj Diospa makinman urmanaqa may jina mancharinamin.

Josué 3:10

Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Jueces 5:4

Tata Dios, maypachachus Seirmanta qan llojserqanki chaypacha, Edompa suyumanta ripushajtiykitaj, jallp'a ikhakorqa, janajpis kharkatiterqa, phuyukunamantapis paramorqa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.