Jeremías 1:9 - DIOSPA QHELQACHISQ

⁹ Chaypacha Tata Dios makinwan simiyta llankhaykuwaspa, niwarqa:

Qheshwa Biblia DC

⁹ Chaypacha Señorqa makinwan simiyta llujchiykuworqa, niwarqataj:

DIOSPA QHELQACHISQAN DEUTEROCANONICAL

⁹ Chaypacha Tata Dios makinwan simiyta llankhaykuwaspa, niwarqa:

Jeremías 1:9 ပူးပေါင်းရင်းမြစ်များ

Isaías 49:2

Payqa simiyta filo espadata jina ruwarqa, maki llanthunwantaj pakaykuwarqa. Filo puntayoj flechaman jina tukuchiwarqa, jinaspataj, flecha waqaychananpi waqaychawarqa.

Isaías 50:4

Tukuyta Kamachej Tata Dios yachay parlayta simiyman churarqa, sayk'usqa runakunata parlaspa kallpachanaypaj. Sapa paqarin pay rijch'arichiwan, yachachisqanta sumajta uyarinaypaj.

Isaías 51:16

Nisqayta simiykiman churarqani, makiypa llanthunpitaj waqaycharqayki. Janajta jatunman aysaspa, kay pachaj cimientontapis churaspa, Sionta nerqani: Qanqa aylluy kanki, nispa.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

Jeremías 15:19

Chantá Tata Dios kutichiwarqa: Noqamanchus kutirikamuwanki chayqa, noqa qanta kamachiypi kanaykipaj jap'ikapusqayki. Sichus qhasi manakaj imakunata manaña thawtinkichu, manachayqa allin imakunallataña ninki chayqa, sutiypi parlamojta kachasqayki. Paykuna qanman kutirikamuchunku, qantajrí amapuni paykunaman kutirikunkichu.

Jeremías 34:6

Chantá Diosmanta sut'inchaj Jeremías chay tukuyta Jerusalenpi kuraj kamachej Sedequiasman willarqa.

Jeremías 36:2

Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

Jeremías 5:14

Chayrayku Tukuy Atiyniyoj Tata Diosqa Jeremiasta nerqa: Chayta paykuna nisqankurayku noqa simiykiman nisqayta churasaj, chay nisqaytaj paykunata llant'ata jina ruphaykonqa, nispa.

Ezequiel 3:10

Chantapis nillawarqataj: Runaj churin, allinta uyariway, tukuy ima nisqayta sonqoykipi sumajta jap'iy.

Daniel (hebreo) 10:10

Chayllapi chay runa makinwan llankhawaspa, aysariwarqa. Chantá qonqorichiwaspa, makiywan pampaman tawnaykuchiwarqa.

Daniel (hebreo) 10:16

Chantá runaman rijch'akojqa simiyta llankhariwarqa. Chantá, ñawpaqeypi kasharqa, chayman nerqani: Wiraqochíy, mosqoypi jina rikusqayqa mayta llakichiwan, mana kallpayojmantaj tukuchiwan.

Números 23:5

Chantá Tata Dios Balaam imatachus parlananta yachacherqa. Nerqataj: Kutispa, Balacta nimuy imatachus qanman nisqayki, chayta, nispa.

San Mateo 10:19

Kamachejkunaman apachisojtiykichej, ama phutikunkichejchu imaynatachus parlanaykichejmanta, chayrí imatachus ninaykichejmanta. Chaypacha Dios imatachus parlanaykichejta yuyaychasonqachej.

Marcos 7:33

Chantá, Jesús runa chawpimanta chay onqosqa runata wajnejman pusarqa, chaypitaj ruk'anankunata joq'araj ninrinman sat'iykorqa. Ujnin ruk'ananman thoqaykuspataj, Jesús chay runaj qalluntapis llankhaykullarqataj.

San Lucas 12:12

Chaypacha Santo Espiritumin imatachus parlanaykichejta yachachisonqachej, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Deuteronomio 18:16

Qankunaqa Horeb orqopi tantasqa kashaspa, chaytapuni Tata Diosniykichejmanta mañakorqankichej, ajinata nispa: Tata Diosniykoj parlamusqanta mana ujtawan uyariyta munaykuchu, nitaj t'ukunata lawraj ninata rikuyta, ama wañunaykupaj, nispa.

Deuteronomio 18:17

Tata Diostaj niwarqa: Nisqankoqa walejpacha.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.