Jeremías 1:17 - DIOSPA QHELQACHISQ

¹⁷ Qantajrí mat'ita chumpiykukuspa, kallpachakuy. Rispataj, willamuy imatachus kamachiyki, chayta. Ama paykunata manchachikuychu, manachayrí noqa kikiy paykunaj ñawpaqenkupi qanta kharkatitichisqayki.

Qheshwa Biblia DC

¹⁷ Qantaj mat'ita chumpiykukuspa kallpachakuy. Riy, willamuytaj imatachus kamacherqayki chayta. Ama paykunamanta manchachikuychu, mana jina kajtenqa noqa kikiy paykunaj ñaupaqenkupi kharkatichisqayki.

DIOSPA QHELQACHISQAN DEUTEROCANONICAL

¹⁷ Qantajrí mat'ita chumpiykukuspa, kallpachakuy. Rispataj, willamuy imatachus kamachiyki, chayta. Ama paykunata manchachikuychu, manachayrí noqa kikiy paykunaj ñawpaqenkupi qanta kharkatitichisqayki.

Jeremías 1:17 ပူးပေါင်းရင်းမြစ်များ

1 Reyes 18:46

Chaypacha Eliasqa p'achanta sumajta chumpiykukuytawan, Jezrel llajtaman phawaspa, Ajabmanta aswan ñawpajta chayarqa, Tata Dios kallpata qosqanrayku.

2 Reyes 1:15

Jinapi Tata Diospa angelnenqa Eliasta nerqa: Paywan rillay, amataj manchachikuychu, nispa. Eliastaj urayk'uspa, capitanwan kuraj kamachejpa ñawpaqenman rerqa.

2 Reyes 4:29

Chaymanta Eliseoqa kamachin Guejazita nerqa: Oqharikuy, varayta apariykukuspataj riy. Piwanpis ñanpi tinkuspaqa, ama napaykunkichu. Pi napaykusojtinkupis, ama uyarinkichu. Chayaspataj, kay varayta wawaj uyanman churaykunki, nispa.

2 Reyes 9:1

Ujpacha Eliseoqa Diospa sut'inchajnin kanapaj yachakojkunamanta ujninta wajyaspa, nerqa: Puririnaykipaj wakichikuy, aceite yuruta oqharispataj, Galaadpi Ramot llajtaman riy.

Job 38:3

Kunanqa wapu kasqaykita rikuchiway, tapusqaymantaj kutichiway:

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 7:2

Noqa imatachus kamachisqayki, qan chay tukuyninta wawqeyki Aaronman willanki. Wawqeykitaj chayta faraonman willanqa israelitakunata jallp'anmanta kacharipunanpaj.

Jeremías 1:18

Kunan p'unchay noqa qanta churayki may sinch'i jark'achasqa llajtata jina. Fierromanta ruwasqa sayantata jina, broncemanta ruwasqa perqata jina churallaykitaj, tukuy Judá suyoj contranpi sayaykunaykipaj. Jinallataj kuraj kamachejninpata, kurajninkunajta, sacerdotenkunajta contrankupi sayaykullankitaj. Jinallataj tukuy runaj contranpi churanakunaykipaj churallaykitaj.

Jeremías 17:18

Qhatiykachawajkunaqa p'enqaypi rikhurichunku, amataj noqaqa. Paykunalla mancharikuchunku, amataj noqaqa. Paykunaj patankuman ñak'ariykunata apachimuy, tukuyninkutataj kutin kutinta phirirpariy.

Jeremías 23:28

Sichus uj sut'inchaj mosqokun chayqa, imatachus mosqokuspa rikusqanta willachun. Nisqayta uyarejtajrí chayta maychus kajta willachun. Trigowan, pajawanqa mana kikillanchu kanku.

Jeremías 26:12

Chantá Jeremías tukuy runaman, kurajkunaman ima kuticherqa: Tata Diosmin kachamuwan kay Temploj contranpi, kay llajtaj contranpi ima willanaypaj, imatachus uyarinkichej, chayta.

Jeremías 26:2

Temploypa pationpi sayaspa, imatachus ninaykita kamacherqayki, chayta niy. Judá suyupi llajtakunamanta pikunachus noqata yupaychawaj Temployman jamushanku, chay tukuy runaman nisqayta willanki, amataj uj simillatapis pakankichu.

Jeremías 36:8

Chantá Neriaspa churin Barucqa Diosmanta sut'inchaj Jeremiaspa tukuy kamachisqanman jina ruwarqa: Tata Diospa Templonman rispa, Tata Diospa nisqan qarapi qhelqasqata tukuypa uyarinanta ñawirerqa.

Lamentaciones 3:57

Qhaparikamorqayki, chay p'unchay qayllaykamuwaspa, niwarqanki: Ama manchachikuychu, nispa.

Jonás 3:2

Nínive jatun llajtaman riy, chantá willamuy, imatachus noqa nisqayki, chayta, nispa.

San Lucas 12:35

Chumpiykichej mat'isqa kachun, lamparaykichejpis jap'ichisqa.

Hechos 20:20

Manataj imatapis qankunamanta pakarqaykichejchu. Aswanpis qankunapaj imachus allin kaj chhikata willarqaykichej. Wasiykichejpi uyapura qankunaman parlarqaykichej jinallatataj tukuypa uyarinantapis yachachillarqaykichejtaj.

Hechos 20:27

imaraykuchus mana imata pakaspa, imatachus Dios ruwayta munasqanta qankunaman willarqaykichej.

1 Corintios 9:16

Jesusmanta sumaj willaytachus willani chayqa, mana imamanta jatunchakunay kanchu. Noqaqa munaspa mana munaspa ruwanaypuni tiyan, Dios kamachiwasqanrayku. Ay noqamanta imachus kanman, manachus sumaj willaymanta willayman chayqa.

1 Tesalonicenses 2:2

Yachallankichejtaj imaynatachus Filipos llajtapi ñak'arichiwasqaykuta, k'umuykachachiwasqaykuta ima. Chaywanpis manchay churanaku kashajtinpis, Diosniyku kallpachawarqayku, paypa sumaj willayninta qankunaman willanaykupaj.

1 Pedro 1:13

Chayrayku, qankuna allinta qhawarikuspa yuyaychakuychej, amataj sonqoykichejpa munasqanwan atipachikuychejchu. Chantá Dios qhasilla k'acha yanapayninrayku imatachus qosonqachej, chayta tukuy sonqo suyaychej. Chayta jap'inkichej, maypachachus Jesucristo kay pachaman ujtawan kutimonqa, chaypacha.