Jeremías 1:16 - DIOSPA QHELQACHISQ

¹⁶ Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Qheshwa Biblia DC

¹⁶ Kay jasut'i kanantamin kamachisaj saqerpayawarqanku chay juchasapaspa contrampi. Paykunaqa inciensota q'osñichispa yupaycharqanku chay mana rejsisqa dioskunata, paykuna kikinku ruwakusqankuman jaywaspa.

DIOSPA QHELQACHISQAN DEUTEROCANONICAL

¹⁶ Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 1:16 ပူးပေါင်းရင်းမြစ်များ

2 Reyes 22:17

Paykunaqa noqata qhesachawaspa waj dioskunaman inciensota q'oshñicherqanku. Tukuy imaymanata ruwaspataj noqata phiñachiwarqanku. Phiñakuyneyqa kaypi tiyakojkunaj contranpi k'ajarenqa, manataj thasnusqachu kanqa.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

2 Crónicas 28:2

Aswanpis imatachus Israelpa kuraj kamachejninkuna ruwasqanku, chay jinallatataj paypis ruwarqa. Metalmanta unuyachispa, Ajazqa Baalman rijch'akoj lantikunata ruwacherqa.

2 Crónicas 34:25

Paykunaqa waj dioskunaman inciensota q'oshñichispa saqerpariwanku, jinamantataj tukuy ruwasqankuwan phiñachiwarqanku. Chayrayku kay cheqaj contranpi phiñakuyniy k'ajarin manataj thasnukonqachu, nispa.

2 Crónicas 7:19

Sitajchus noqamanta t'aqakuspa, kamachisqayta mana junt'ankichejchu, waj dioskunatataj kasuspa yupaychawajchej chayqa,

Isaías 2:8

Chantá lantikunawan junt'allataj kashan. Kikin makinkuwan ruwasqanku diosninkukunata yupaychanku.

Isaías 37:19

Chay suyukunaj diosninkukunata ninaman enqhaykorqanku, imaraykuchus chaykuna mana dioskunachu kanku, manachayqa k'ullumanta rumimanta ima, runaj ruwasqallan kanku. Chayrayku chaykunata phiriyta aterqanku.

Isaías 44:15

Sach'ata k'utuytawantaj, wakinta llant'an ninata jap'ichinanpaj, chaywantaj q'oñikun jinallataj hornotapis parichin t'antata chayachinanpaj. K'ullu puchojmantataj uj lantita yupaychananpaj ruwakullantaj, chaymantaj tukuy sonqo qonqorikun.

Isaías 65:3

Chaykunaqa sapa kuti phiñachillawankupuni, huertakunapi uywa ñak'asqata jaywaspa, ladrillomanta altarkunapitaj inciensota q'oshñichispa ima.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 10:3

Chay runakunaj diosninkoqa qhasi manakajlla kanku. Montemanta uj sach'ata k'utuytawan, llajllayta yachaj runa t'illminawan lantita ruwan.

Jeremías 11:12

Chantá Judá suyupi tiyakojkuna, Jerusalenpi tiyakojkunapis inciensota q'oshñichispa, diosninkuman yanapananta mañakamoj renqanku. Chaywanpis ñak'arina p'unchay chayamojtin, chay lantikuna manapuni paykunata yanapayta atenqankuchu.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 16:11

Qantaj paykunaman kutichinki: Tata Dios kay jinata nin: Kay tukuy ima qhatirisunkichej, imaraykuchus ñawpa tataykichej saqerpariwarqanku, waj dioskunaj qhepankutataj riporqanku. Chantá chaykunata yupaychaspa, sirverqanku. Noqata saqerpariwaspataj, kamachisqayta mana junt'arqankuchu.

Jeremías 17:13

Tata Dios, qanmin Israelpa suyakuynenqa kanki. Pichus qanta wasanchasojqa p'enqachisqa kanqa. Qanmanta tukuy karunchakojkuna chinkarenqanku, jallp'api runaj sutin qhelqasqa jina, imaraykuchus Tata Diosta saqerparerqanku, pichus paykunapaj kawsaj yaku juturi jina karqa, chayta.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:28

Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Jeremías 4:12

Chay wayrata noqa apachimusaj, chaytaj ancha nishu wayra kanqa. Kunanraj paykunaj contrankupi ñak'ariy wakichisqayta rimarisaj, nispa.

Jeremías 4:28

Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Jeremías 44:17

Manachayqa ruwallasqaykupuni, imatachus ruwanaykuta nerqayku, chayta. Inciensota q'oshñichillasqaykupuni, vinotapis ch'allasqayku Janaj Pachaj Qoyan nisqa diosman, imaynatachus kunankama kuraj kamachejniyku, noqayku, ñawpa tatayku ima ruwarqayku, ajinata. Judá llajtakunapi, jinallataj Jerusalenpa callenkunapipis Janaj Pachaj Qoyan nisqa diosman inciensota q'oshñichillarqaykupuni, imaynachus ñawpa tataykukuna ruwarqanku, ajinata. Chaypacha chayta ruwasqaykurayku ñawpajta ashkha mikhuna tiyapuwaj kayku, atipachikunaykupaj jina. Tukuy imapi allin riwaj kayku, manataj ima ñak'ariypis noqaykuta qhatiriwajchu kayku.

Jeremías 5:29

Manachu chay jina ruwasqankumanta paykunata jasut'isajri? Manachu ajina runakunaman chay ruwasqankuman jina kutichisajri? Noqa Tata Diosmin chayta nini.

Jeremías 5:9

Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Jeremías 51:17

Tukuy runakunaqa mana yuyayniyoj, wampu kanku. Lantikunata ruwajkunaqa ruwasqankumanta p'enqakunku. Chay lantikunaqa runaj ruwasqallan, mana kawsayniyojchu kanku.

Jeremías 7:17

Judá suyupi, jinataj Jerusalén llajtapipis imatachus ruwasqankuta manachu rikunki?

Jeremías 7:18

Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Ezequiel 16:18

Chay may k'achitu awakipasqa p'achaykiwan lantikunata p'achallicherqanki, jinataj aceiteyta, inciensoytawan paykunaman jaywarqanki.

Ezequiel 24:14

Noqa Tata Diosmin chayta nini, nisqaytataj junt'asajpuni. Noqa kikinta ruwasaj, mana qhepaman kutirisajchu, manataj khuyakusajchu, nitaj sonqoyta nanachikusajchu. Ruwasqaykiman jina, kawsasqaykiman jinataj jasut'isqaykipuni. Noqa Tukuyta Kamachej Tata Dios chayta nini.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 8:6

Samariapi israelitakunaj yupaychasqanku torillo lanteqa mana Dioschu. Chaytaqa runalla ruwan, chayraykutaj phirisqa kanqa.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Hechos 7:41

Ajinamanta israelitakuna waka uña lantita ruwakorqanku. Jinapitaj uywakunata ñak'aspa, waka uña ruwasqankuman q'olachispa jaywarqanku, chay ruwasqanku lantej sutinpitaj raymita ruwaspa, kusikorqanku.

Deuteronomio 28:20

Tata Diosqa tukuy ima ruwasqaykipi mana allinchu risunanta ruwanqa. Jinallataj sinch'i llakikuy qhatirisusqanrayku imatachus ruwanaykita mana yachashajta ruwasonqa. Ajinaqa manaraj imapi chay llakiykunawan tukuchisqa kanki, mana allinta ruwaspa purinaykipaj, Diosmanta karunchakusqaykirayku.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Josué 24:20

Sichus qankuna waj dioskunata yupaychaspa Tata Diosmanta qonqapunkichej chayqa, payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.