Jeremías 1:14 - DIOSPA QHELQACHISQ

¹⁴ Chantá Tata Dios niwarqa: Wichaynejmanta ñak'areyqa kay suyupi tukuy tiyakojkunaj patankuman jich'akamonqa.

Qheshwa Biblia DC

¹⁴ Chaypacha Señorqa niwarqa: Pata ladomantapacha ñak'areyqa jich'akamonqa, kay jallp'api tukuy tiyakojkunaj patanman.

DIOSPA QHELQACHISQAN DEUTEROCANONICAL

¹⁴ Chantá Tata Dios niwarqa: Wichaynejmanta ñak'areyqa kay suyupi tukuy tiyakojkunaj patankuman jich'akamonqa.

Jeremías 1:14 ပူးပေါင်းရင်းမြစ်များ

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.

Isaías 41:25

Noqa Tata Dios wichaynejpi uj runata sayarichini, paytaj sutiyta oqharispa, inti llojsimuynejmanta jamonqa. Payqa kuraj kamachejkunata t'uruta jina saronqa, imaynatachus manka ruwaj t'uruta sarun, ajinata.

Jeremías 10:22

Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 31:8

Noqa paykunata wichaynej suyumanta kutichimusaj, jinallataj kay pachaj tukuy k'uchunmantapacha paykunata tantaykullasajtaj. Paykunawan lerq'okuna, wist'u chakiyojkuna, wijsallisqa warmikuna, onqokoj warmikuna ima jamonqanku. Manchay ashkhapuni kutimonqanku.

Jeremías 4:6

Tata Dios nillarqataj: Wiphalata Sionnejman sayaykuchiychej. Sumaj jark'achasqa cheqaman ayqeychej, amataj qhepakuychejchu, imaraykuchus wichaynejmanta jatun ñak'ariyta, wañuytawan apachimusaj.

Jeremías 46:20

Egiptoqa ima munay terneraman rijch'akun. Wichaynejmantatajrí uj jatun khanikoj ch'uspi jamuspa, payta khanenqa.

Jeremías 47:2

Tata Dios kay jinata nin: Wichaynejmanta yaku jina junt'aykamonqa. Imaynatachus mayoqa wasaykuspa tukuynin jallp'ata, chaypi kaj llajtakunata, runantinta ima p'ampaykun, ajinata p'ampaykonqa. Tukuy chaynejpi tiyakojkunaqa qhaparenqanku. Tukuy runapis nanaywan waqanqanku.

Jeremías 50:41

Wichaynejpi karu suyumanta atiyniyoj ashkha soldado jamushanku. Uj jatun suyu, ashkha kuraj kamachejkuna ima kay pachaj k'uchunmantapacha jamunankupaj wakichikushanku.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.

Jeremías 6:22

Tata Dios ajinata nin: Wichaynejmanta may jina atiyniyoj suyu jamunanpaj wakichikushan.

Ezequiel 1:4

Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.

Ezequiel 24:3

Chantá contrayta oqharikoj kay runakunaman uj rijch'anachinata willay: Tukuyta Kamachej Tata Dios nin: Uj mankata q'onchaman chhaqaykuy, yakutataj chay mankaman junt'aykuchiy.

Joel 2:20

Jinallataj wichaynejmanta jamoj phinki phinki khurukunata qankunamanta karunchachisaj, paykunatataj ch'innejman wijch'usaj. Ñawpajpi kajkunata Wañusqa Qochapi jeq'eqachisaj, qhepapi kajkunatataj mama qochapi p'ultiykuchisaj. Wañusqa phinki phinkikunaqa asnaykonqanku, imaraykuchus noqa Tata Diosqa t'ukuna imakunata ruwasaj, nispa.

Zacarías 6:6

Yana caballokunaj aysasqan carretaqa wichaynejman rishan, yuraj caballokunaj aysasqan carretataj inti yaykuynejman, yuraj q'ellu caballokunaj aysasqan carretataj uraynejman, nispa.