Isaías 9:7 - DIOSPA QHELQACHISQ

⁷ 7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Qheshwa Biblia DC

⁷ Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

DIOSPA QHELQACHISQAN DEUTEROCANONICAL

⁷ 7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Isaías 9:7 ပူးပေါင်းရင်းမြစ်များ

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

2 Reyes 19:31

Jerusalenpi mana tukuychu wañonqanku. Sión orqopipis kawsajkuna kanqankuraj. Ajinata Tukuy Atiyniyoj Tata Dios ruwanqa, may jinata munakusqanrayku.

Salmos 2:8

Mañakuway suyukunata chayaqeykipaj qosunayta, noqataj tukuy kay pachata qosqayki.

Isaías 11:1

Davidpa tatan Yeseqa uj k'ullu jina, chay k'ullumantataj ijimonqa, chay saphinmanta ijimojtaj poqonqa.

Isaías 16:5

Chaypacha Tata Diosqa Davidpa ayllunmanta uj kuraj kamachejta churanqa. Paytaj khuyakuspa, cheqanta juzgaspa kamachenqa. Jinallataj cheqantapuni ruwanqa.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 37:32

Jerusalenmanta puchojkuna kanqanku, Sión orqomantataj llojsejkuna kallanqankutaj. Tukuy Atiyniyoj Tata Dios may jatun munakuyninnejta chayta ruwanqa.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Daniel (hebreo) 2:35

Chantá ujllata fierropis, t'urupis, broncepis, qolqe metalpis, qoripis ima ñut'u jallp'a jina rikhurisqa. Jinataj imaynatachus trigota wayrajtinchej wayraqa pajata apakapun, ajinata wayraqa chay tukuyta oqharisqa mana imata puchuchispa. Lantita phiriykusqa, chay rumitajrí jatun orqoman tukusqa, tukuy kay pachamantaj junt'aykusqa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Hageo 2:9

Kay qhepa kaj Temploqa aswan sumaj kanqa ñawpaj kaj Templomanta nisqaqa. Noqataj kay cheqanejpi sonqo tiyaykusqa kawsay kananta ruwasaj. Noqa Tukuy Atiyniyoj Tata Dios chayta nini.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

San Juan 12:34

Chay runakunatajrí payta nerqanku: Noqayku kamachisqa qhelqasqata ñawirispa, yachayku Cristoqa wiñaypaj kawsananta. Jina chayqa, imaraykutaj qan nishanki Runaj Churin cruzman chakatasqa kanantari? Pitaj chay Runaj Churinri? nispa.

Hebreos 1:8

Churinmantatajrí nin: Diosníy, qanqa wiñay wiñaynintinpaj kamachinki, jinataj justiciata ruwaspa kamachinki.

Hebreos 7:24

Chaywanpis Jesús mana jayk'aj wañoj kasqanrayku, sacerdote kayninta mana pimanpis saqeyta atinmanchu.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.